uMthunywa
NGOLIMI lwesiNdebele izinto ezithile ezenzakalayo okuthi lalapho sisibiza ngolimi oluqondileyo kuletha isisindo elimini lwethu.
Kesithathe isibonelo esilandelayo; USipho usebenzisa izandla zakhe zombili ngokulinganayo.
Ngolimi olujulileyo: USipho likhabe.
Ulimi olujulileyo lalapho mfundi uloba indaba yokuzibumbela kwenza indaba ihlabuse okwamagama, khangela okulandelayo uphe igama elilodwa elilesisindo.
1. Utshwala osebubudala
2. Uchago lwenkomo esanda kuzala
3. Ilambazi eliphekwe ngochago
4. Inkaba yenkomo engakawi
5. Amabele amila ezidindini sokwavunwa
6. Amathanga ahlanza sekuvunwa
7. Iphini elibondisa ngomuntu wesilisa
8. Inyama esikwe yalungiselwa ukosiwa
9. Inyama eyomileyo eluhlaza
10. Intombi esikhombile
11. Umfana owehlula bonke
12. Umuntu owehluleka kubi ukugida
13. Ijaha elaliwa zintombi
14. Ijaha elikhonjwa kakhulu
15. Ukuthatha umkamfowenu owafayo
16. Inyama yesifuyo esizifeleyo
17. Umuntu ophatha ukudla kwenkosi
-Nanzi impendulo zomsebenzi engalitshiyela wona kuviki ephelileyo:
1. Ububende, 2. Umhlutshwa, 3. Ifusi, 4. Yikuguda, 5. Limitha, 6. Ngumthakathi, 7. Ngamawele/ amaphahla 8. Ngamaphahla, 9. Yingidi, 10. Yisanuse, 11. Ngudokotela, 12. Yinyanga, 13. Yindonsakusa, 14. Ngumfuma, 15. Yikubhonga, 16. Yikubhonsa, 17. Iphehla, 18. ubuhlalu.
