Uncategorized

‘Asilondolozeni amasiko lolimi lwesiNdebele’

04 Oct, 2018 - 02:10 0 Views
‘Asilondolozeni amasiko lolimi lwesiNdebele’ Induna uKhayisa labanye bengena emcimbini wokukhumbula inkosi uMzilikazi eMhlahlandlela ngoMgqibelo

uMthunywa

Musa Janga
KULANDELA umcimbi wokukhumbula iNkosi uMzilikazi owenziwe eMhlahlandlela eMatopo ngoMgqibelo abohlelo lweMvuselelo Yamasiko loLimi lwesiNdebele bakhuthaze uMthwakazi ngokugcinwa kwamasiko lolimi lwesiNdebele.

Kumcimbi lo obekuhlangane abengatsha ezitshiyeneyo eziphathelane lamasiko esiNdebele okugoqela uMnumzana Isaac Nyandeni Mpofu obona ngezamasiko, izinduna, kanye labanye bezothokoza bekhumbula inkosi uMzilikazi kuvezwe ukuqakatheka kokugcina ulimi ukuze amasiko angalahleki.

Ekhuluma kulowumcimbi uMnumzana Timoh Mabhena ongumabhalane wohlelo lweMvuselelo Yolimi lamasiko esiNdebele ubike ukuthi kaqakathekile ukugcina ulimi ngoba ulimi kuyilo oluthwala amasiko.

“Ulimi lamasiko kuhamba ndawonye ngakho kuqakathekile ukuthi abantu baziqhenye ngolimi lwabo ukuze silondoloze amasiko ethu,” kuchaza uMnu Mabhena.

Uqhubekele phambili esithi abazali kumele badlale indima ekufundiseni abantwana isiNdebele ukuze yiloba befika ezikolo umsebenzi wababalisi ubelula njalo kwenqatshelwe ukufa kolimi lwesiNdebele.

“Sesabona ezinye indimi zisifa ngakho asifuni kwenzeke elimini lwesiNdebele. Abantwana abanengi kabasasazi isiNdebele ngoba sebekhuluma lokhu abakubiza ngokuthi yi-slang ngakho le ngenye imbangela yokulahleka kwamasiko esiNdebele ngoba abantwabethu yibo okumele baqhubekise amasiko phambili,” kuchaza uMnu Mabhena.

Uphethe ngokuthi abantu kababale amabhuku esiNdebele ekuthuthukiseni ulimi njalo bavakatshele iMvuselelo Yolimi Lamasiko esiNdebele bazazwisisa ngokuthuthukisa ulimi lamasiko.

“Silamabhuku amanengi esiNdebele ngakho abantu kabakhuthalele ukuwabala ukuze luthuthuke ulimi lwesiNdebele, okunye abantu bengasivakatshela thina abe Mvuselelo Yamasiko Lolimi lwesiNdebele ukuze siphathisane,” kuphetha uMnu Mabhena.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds