Asikaze simcabange uTendai Ndoro

09 Aug, 2018 - 00:08 0 Views
Asikaze simcabange uTendai Ndoro UTendai Ndoro

uMthunywa

YiNtatheli kaMthunywa
KUVELA ukuthi iKaizer Chiefs ike yabuza ngoTendai Ndoro ongelaqembu okwakhathesi.

UNdoro ubesematheni womuntu wonke eMzansi ngemva kokuthi i-Urban Warriors, obese kuliqembu lesithathu ukulidlalela kusizini eyodwa, imdlalise kungafanelanga. Lokhu akuhambisani lemithetho yeFifa egunyaza umdlali ukuthi adlalele amaqembu amabili kuphela ngesizini eyodwa.

I-Ajax Cape Town ilahlwe licala, okwabangela ukuthi igijime kuNational First Division (NFD). UNdoro yena okwamanje uhlezi ekhaya akalaqembu.

Kuvele umthombo osondelane labafakazi baleliphephandaba laye ukuthi iChiefs ike yabuza ngomdlali weZimbabwe.

“IChiefs ifonele umaneja kaNdoro (UDumezweni Nkiwani) imbuza ngesimo sakhe. Kubonakala sengathi iyamfuna kodwa ingxoxo azikaqali. Umaneja wakhe ulinde iChiefs ukuthi ibuyele kuyo,” kutsho umthombo.

IChiefs isayinise uKhama Billiat ukuqinisa amafolosi abadlali bayo kanti kukhona uGustavo Paez, Bernard Parker, Ryan Moon loLeonardo Castro.

Amakhosi angamsayinisa umdlali wangaphandle. UTeenage Hadebe, Paez, Castro lo-Andriamirado Andrinarimanana yibona kuphela abasayinwe njengabangaphandle. UWillard Katsande uselabo ubuzwe base-South Africa ngakho akathathwa njengowangaphandle.

Umthombo uqhube wathi iBidvest Wits layo ike yabuza ngoNdoro.

“Inkinga kube yikuthi yona isisiqedile isibalo sabadlali (abahlanu) bangaphandle. Kodwa amaqembu ahlezi eqhamuka lamaqhinga nxa umdlali emdinga ngakho kungenzeka noma yini.”

UNkiwani ethintwa, uthe: “Yebo bakhona ababuzayo ngomdlali kodwa angikwazi ukubadalula. Nxa kukhona okuhlanganayo sizomemezela. Okwamanje sisabheka ukuthi kungaphi lapho umdlali angasayina khona.”

IChiefs idumile ngokungazihluphi ngokukhangela abadlali abaqhamuka eZimbabwe, umaneja, uBobby Motaung, uyiphikile indaba kaNdoro.

“Ayikho into efana laleyo. Asikaze simcabange uNdoro,” kutsho uMotaung.

Nxa uNdoro ecina elitholile iqembu kuleli, ngeke alidlalele imidlalo emibili, ukuze adonse isigwebo asinikwa yiSafa ecaleni lakhe le-Ajax yona eyaphucwa amaphuzu okuyitshovele kuNFD.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds