Uncategorized

‘Angizisoli ngokubulala abantwabami, babengamadimoni’

02 Jul, 2015 - 11:07 0 Views

uMthunywa

ININA elabulala abantwabalo ababili andubana lifake izidumbu zabo efurijini yalo esemkulwini lilivumile icala lalo ngesikhathi limiswa emthethwandaba lengezelela ngokuthi alizisoli ngitsho ngesenzo salo sokubulala abantwabalo ngoba babenga“madimoni”.

UMitchelle Blair weDetroit, indawo eseMichigan, kweleMelika utshaqise imizimba yabantu abakade bezolalela icala lakhe emthethwandaba ngokuvumela phezulu ukuba watshaya kabuhlungu abantwabakhe ababili abakade beleminyaka engu-9 le-13 yokuzalwa.

Izidumbu zabantwana laba zitholwe ngabakade belande ukuzaxotsha inina leli endlini ebelihlala kiyo ngenxa yemali zerenti ebezingabhadalwanga.

Izidumbu zabantwana laba zatholakala ziphakathi kwe-deep freezer efulathini uBlair akade ehlala kilo labantwabakhe.

Inina leli lilabantwana ababili abaseleyo njalo libikele umantshi ukuba labulala ababili ngenxa yokuthi likholelwa ukuba badlova icinathunjana layo.

UBlair kazange abikele amapholisa ngemicabango yakhe yokuthi umntanakhe omncinyane angabe wahlukuluzwa emacansini ngabanye abantwabakhe njalo kazange akubone lokhu kusenzakala mathupha.

“Wadlova indodana yami,” nguBlair lo esitsho umntanakhe osengumuyi uStoni. “Ngambulala ngabomu ngangifuna afe ngenxa yalokhu akwenza ingane yami isesencane.”

Umantshi uDana Hathaway ubuze umsolwa ethi kwakungasiphutha nje alenzayo yena waphendula ethi:

“Hatshi, ngakwenza ngisazi ukuthi ngifuna bafe njalo ngabe ngiyaphiwa elinye ithuba bengingakwenza futhi.

Angizisoli ngokufa kwamadimoni lawa.”

UBlair uthe wafihla izidumbu zabantwabakhe ngoba engafuni ukubotshwa nanko phela ulabanye abantwana abaphilayo abafuna ukunakekelwa. — Ubulembu.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds