‘Angisayingeni eyokuba umdlali webhola’

31 Jan, 2019 - 00:01 0 Views
‘Angisayingeni eyokuba umdlali webhola’ UMabhudi “Bhubesi” Khenyeza

uMthunywa

UMABHUDI “Bhubesi” Khenyeza oliphini lomqeqetshi kuMaritzburg United, utshaya phansi ngonyawo uthi akabuyeli enkundleni. 

Iya ngokuqina imibiko yokuthi iTeam Of Choice imfuna enkundleni njengoba lihlohlwa nsukuzonke njalo lisengozini yokugawulwa lizembe.

Emidlalweni engu-18 esidlalwe iMaritzburg, isihlohle amabhola ayisithupha. Njengoba iwindi lokuthengisa abadlali livuliwe kuze kuphele uZibandlela, izikhulu zeMaritzburg zifake incwadi yesicelo kuMaZulu FC ngenhloso yokubuyekeza isivumelwano ababevumelane ngaso kuhamba uKhenyeza, otshiye kuSuthu kusasele inyanga eziyisithupha kunkontileka yakhe.

Ngokwesivumelwano loSuthu, uKhenyeza utshiye ngoba efuna ukuqhubeka ngento ayizwa ngaphakathi okuyikuqeqetsha. Gwiqiqi, iMaritzburg isifaka incwadi yesicelo sokuba uKhenyeza abengumdlali. Ngokutsho kukaQedi Dlamini oyimanenja yaMaZulu, bebesasicubungula isicelo seTeam Of Choice.

Lokho izolo uKhenyeza uphumele obala okokuqala ngaloludaba ngesikhathi exoxa labezindaba ngaphambi komdlalo wezakhe leWitbank Spurs we-Last 32 kuNedbank Cup.

“Ngiqedile ngokuba ngumdlali webhola manje. Angisayingeni eyokuba ngumdlali webhola kodwa sengigxile ekuqeqetsheni. Angikwazi ukwenza izinto ezimbili ngesikhathi esisodwa. Angiyona indoda eligwala mina. Sengike ngezwa emazikweni abezindaba, lakwabanye abadlali bengicela ukuba ngibuyele ebholeni, lokho ngeke kusenzeka. Sengizidlalela ibhola lesihle, ikakhulukazi labantu abaneminyaka elingana leyami,” utsho kanje uKhenyeza izolo.

Ebuzwa ukuthi uyazi yini ngesicelo seMaritzburg, esifake kuMaZulu sokuba abhaliswe kuPremier Soccer League (PSL) njengomdlali weMaritzburg, uKhenyeza uthe: “Leso yisicelo seMaritzburg, esifake kuMaZulu. Ngamanye amazwi yibona bobabili abaxoxayo, ngoba akekho kubo oseke waxoxa lami. IMaritzburg ingiqhatshe njengomsekeli kamqeqetshi, ayingiqhatshanga njengomdlali. Ngakho ngizele lokho lapha, ukuba ngumqeqetshi. 

“Ngenza into esatshwa yinqwaba yezinkakha, kwazise inengi lazo zikhonze ukuvela kuthelevizhini zibizwe ngabahlaziyi. Lokho ngikubona njengobugwala obuyisimanga. Abeze enkundleni bezoqeqetsha abafana khona bezozwa ukuthi insimbi itshisa kanjani, beyeke ubugwala. Angifuni kugqoka isudu mina”.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds