Angekela ukugqoka ijesi yeSundowns

28 Dec, 2017 - 01:12 0 Views
Angekela ukugqoka ijesi yeSundowns UKhama Billiat

uMthunywa

KUKHANYA sengathi ngeke aphinde agqoke ijesi yeMamelodi Sundowns uKhama Billiat ongafuni ukuvuselela inkontileka yakhe eChloorkop.

Ufuna ukuhamba ngoZibandlela umdlali weMamelodi Sundowns, uKhama Billiat, ophelelwa yinkontileka ngoNhlangula.

Lanxa efuna ukuhamba kodwa umqeqetshi wakhe uPitso “Jingles” Mosimane utshengisa ukuthi kukhona okumele kwenziwe engakahambi. Isolezwe lihabule lezi zindaba ngomaneja wakhe (uBilliat) uSiyabulela Loyilane izolo ekuseni. UMosimane usalethemba lokuthi uBilliat angayivuselela inkontileka yakhe. Lokhu kuhlukile kulokhu lumqeqetshi abekutsho ezinyangeni ezedlule ekhuluma sakumduba uBilliat.

“Sihlalele ethembeni lokuthi uKhama uzatshiya kuleli windi esiya kuSundowns. Zikhona izicelo zamaqembu amfunayo. Akhona lawalapha eNingizimu Afrika aseke angithinta ebuza ngekusasa lakhe. Silwela ukuthi ahambe kulona leli iwindi,” kutsho uLoyilane.

UBilliat akazange abonakale emidlalweni emine edlule yeMamelodi Sundowns. Ugaqelwe yi-Al Ahly yase-Egypt le-Al Nasr yase-Saudi Arabia. Elinye uqembu elimfunayo yiZamalek yakhona e-Egypt.

KuSundowns uBilliat usezinqobe zonke izicoco zePSL. Utshaya ngezimbili ze-Absa Premiership, Nedbank Cup, Telkom Knockout, Caf Champions League leseCaf Super Cup.

Useke wayibamba lakuFifa Club World Cup ngomnyaka odluleyo ngoMpalakazi. NgoZibandlela ubegijima ku-Africa Cup of Nations (Afcon) eGabon. “NgoLwesihlanu ngizobe sengisazi ukuthi uBilliat uya kuphi. Okwamanje sisazobheka izicelo,” kutsho uLoyilane.

Ngemva kokutshaywa yiCape Town City okuwumdlalo uBilliat abewubuka lezihlwele, uMosimane ubuziwe ngendaba kaBilliat. Impendulo yakhe ikhombise ukuthi uyathanda ukuthi ahlale kodwa futhi akancengiwe ukuthi ahlale uma engasafuni.

“Indaba yakhe ifana lekaMesut Ozil kwi-Arsenal. Sifuna ahlale. Sifuna ayivuselele inkontileka kodwa konke kusezandleni zakhe. Akufanele sikhohlwe ukuthi vele akasadlali kithi. Mine kumbe mihlanu imidlalo aseyidlalile?

Ngiyathanda ahlale kodwa uma ekhetha ukuhamba ngeke ngimvimbe. Iyamvumela inkontileka ukuthi kube nguyena olamandla. Ungayaphi uma utshiya iSundowns?” kutsho uMosimane sakuchoma.

Lokho bakhona abadlali asebetshiye iSundowns baya emaqenjini ePSL. URamahlwe Mphahlele usuke kuSundowns waya kuKaizer Chiefs kanti loLeonardo Castro uzoya kuChiefs uma sekuvulwe iwindi lokutshintshana ngabadlali.

Phambilini iChiefs ike yabalwa emaqenjini abefuna ukusayinisa uBilliat. Kodwa akwaziwa noma ingamnika yini imali ayifunayo njengoba esuka kuSundowns.

 

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds