Amukelekile amaqembu amatsha kuBulawayo Christian League

20 Feb, 2015 - 14:02 0 Views

uMthunywa

NguLucky Tshabalala
UMQONDISI  weligi yamabandla akoNtuthu iBulawayo Christian League, uFungai Mundofa usekhiphe umbiko  wokuthi inkundla isivuthiwe sebelinde nje ukuthi iligi yabo iqale kuphela emavikini ambalwa azayo.
Ekhuluma lephephandaba likazulu uFungai Mundofa uveze ukuthi bakhangelele ukuthi imidlalo yokufikisa amaqembu angene kule iligi kuwonalo umnyaka izabe ikhona mhlaka 7 Mbimbitho kukanti ke  iligi ngokwayo iqala mhlaka 14 Mbimbitho.

“Inkundla isivuthiwe impela, sikhangelele ukuthi sibelemidlalo ye orientation mhlaka 7 Mbimbitho, iligi ngokwayo izaqala mhlaka 14 Mbimbitho,” kulandisa uMundofa.

Ubuye waqhubekela phambili wathi imidlalo yokufikisa amaqembu amatsha bandise ukuyenzela enkundleni ye Raylton Sports Club kodwa ke ngenxa yokuthi amaqembu akhanya angathi azabamanengi lonyaka abakabi leqiniso lokuthi izenzelwa ngaphi.

“Okwakhathesi angikabi leqiniso lokuthi imidlalo yokufikisa amaqembu amatsha sizayidlalela ngaphi ngoba asikabi kwazi ukuthi mangaki amaqembu azaphatheka lapha. “Eminyakeni umncintiswano lo sande ukuba lawo enkundleni ye Raylton Sports Club,” kutsho uMundofa.

Uphethe ngokwazisa uzulu ukuthi iligi le ikhululekile njalo iyawamukela amaqembu amatsha angabe efisa ukuba ngamalunga ale iligi.

“Ngithanda ukwazisa uzulu ukuthi iligi yethu ikhululekile njalo iwamukela ngezandla zombili amaqembu amatsha angabe efuna ukuba zingxenye ze Bulawayo Christian League,” kuphetha uFungai Mundofa.

Minyaka yonke kungena amaqembu amatsha kuligi lonyaka silamaqembu athi  iBrethren in Christ Church yedolobheni, iCelebration Church le Word of life yeNkulumane.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds