uMthunywa
KUTHETHE amahola ambalwa kuphela ukuba kuqale kusabalale imibiko ethi awasekho amatikiti omdlalo womkhaya beSoweto, iKaizer Chiefs le-Orlando Pirates.
Amaqembu azotholana phezulu ku-semi final yokuqala ye-2018 Telkom Knockout emdlalweni ozaqhutshwa enkundleni yeMoses Mabhida eThekwini mhlaka 24 kuLwezi.
Umdlalo lo uzaqala ngehola lesithathu emini yantambama.
Ku-semi final yesibili kuzotholana iBaroka FC leMamelodi Sundowns enkundleni yePeter Mokaba ePolokwane ngeSonto ntambama.
IPSL ibike ngoLwesine ebusuku ukuthi umdlalo uyiswa eMoses Mabhida.
Bekuvele kuyisiphithiphithi ekuthengisweni kwamatikiti alumdlalo kusukela lamaqembu eqhathiwe ngoMfumfu.
Okwenze kwaba lesiphithiphithi ngalumdlalo yikuthi abalandeli beChiefs balangazelela ukuphindisela kwabePirates esanda kubathela u 2-1 emdlalweni we-Absa Premiership.
Kusenjalo abalandeli bakanobhutshuzwayo baseThekwini bahleka bodwa ngemuva kokuthi iPremier Soccer League (PSL) imemezele ukuthi umdlalo we-semi final yeTelkom Knockout izodlalelwa eMoses Mabhida Stadium.
IChiefs ibifuna ukuthi idlalelwe eFNB Stadium, okuvamise ukuthi kudlalelwe kuyo imidlalo le, kodwa akuzange kubenjalo.
Amaqembu la asanda kuhlangana emdlalweni we-Absa Premiership lapho kuguqe khona iChiefs ngo 2-1.
Akungabazeki ukuthi kuzosiphuka izidindi eMabhida mhla welanga ngoba lumdlalo uthathwa njengowamagqubu. — Ubulembu
