Amanga kawabhadali

18 Jan, 2018 - 00:01 0 Views

uMthunywa

silo Pumulani Mpofu

I-TRINITY Project yinhlanganiso ekhangela ngokuqakatheka kokuthi umntwana abe lencwadi yokuzalwa. Manengi amalungelo angeqa abantwana lapho bengelazo incwadi zokuzalwa agoqela ezemfundo, ezempilakahle, ezemithetho kanye lokunye okunengi.

Njengenhlanganiso sesinanzelele ukuthi abantu abafika bedinga uncedo ngodaba lwencwadi zokuzalwa abalikhulumi iqiniso lokuthi kungani bengelazo incwadi zokuzalwa kumbe abantwababo. Abantu baqamba amanga ngoba becabanga ukuthi yiwo angabenza bathole uncedo.

Kukhona uNobuhle Phiri esixoxisane laye kuleli iviki. Ekuqaleni kwakhe ukufika ehofisini uNobuhle wachaza ukuthi imbangela yokuthi angabi lencwadi yokuzalwa yikuthi watshiywa ngabazali bakhe kugogo ozala ubaba esesemncinyane elenyanga ezinhlanu. Uthe esekhulile njengomntwana owayengafundi ngoba ugogo engenelisi ukubhadala inhlawulo zesikolo, wasuka wayadinga umsebenzi edolobheni.

Wahlala iminyaka esebenza egcina abantwana bakaMaDube onguye ayemsebenzela. Ngemva kweminyaka elitshumi waphindela ngekhaya ethi ayebona ugogo wakhe wafica kungasela muzi kuthiwa ugogo wabhubha kudala.

Kwababuhlungu ukuzwa indaba enjalo ngoba kunzima ukuncedisa umuntu ongazi izihlobo zakhe ongela bazali ukuthi angathola njani incwadi yokuzalwa.

Ngemva kwamalanga amathathu waphenduka njalo ehofisini wafika wabona umuntu otshiyeneyo kulalo ambona eqala ukufika. Wasechaza njalo udaba lwakhe ngendlela ehlukeneyo kulasekuqaleni ethi imbangela yokungabi kwakhe lencwadi yokuzalwa yikuthi yalahleka ebhasini esiya koBulawayo. Ngemva kokuhluzisisa udaba lwakhe kabanzi kwananzelelwa ukuthi uNobuhle ubeseke wafika ehofisini ngoba izisebenzi ziyaxoxisana ngezehlakalo ezinzima abahlangana lazo ekuncediseni abantu.

Ngalokhu siyaxwayisa uzulu ukuthi ukukhuluma amanga akusizi njalo akuniki mpumela enhle. Kuhle ukuthi umuntu akhulume iqiniso ukuze aphiwe ulwazi kumbe isixwayiso esiqondileyo. Kwaba lula ukuncedisa uNobuhle ngemva kokuba esekhulume iqiniso ukuthi incwadi yokuzalwa wake waba layo yasuka yasilahleka ngoba okwasekudingakala kuphela yikuthi nxa inombolo yencwadi yakhe yokuzalwa (birth entry number) eyazi kusetshenziswe yona ukuthi adingelwe incwadi leyo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds