Ama-Youth Games eNkabazwe

09 Aug, 2018 - 00:08 0 Views
Ama-Youth Games eNkabazwe

uMthunywa

YiNtatheli kaMthunywa
AKUBIZWA ozwayo ngeviki ezayo lapho okuzabuthana khona intshantshu zethalenta elisakhulayo kwezemidlalo kuleli edolobheni leGweru.

Izabelo zonke zithi gwaqa kulindawo kulandwe imncintiswano yama-Youth Games.

Inhlanganiso yeSport and Recreation Commission ebambe ukuqhutshwa kwemidlalo le ibike ukuba isilungiselele ukuthi inxuse abadlali.

Imidlalo yalonyaka izadonsa isikhathi eside. Kumbiko wayo iSRC ithe kufuneka imali engange $1.1 miliyoni.

Kukhangelelwe ukuthi enye imali le ivele kuhulumende kukanti eyinye izavela ezikhwameni zezabelo.

Ukuze izabelo ziphathake kulimidlalo ngokupheleleyo kumele umdlali munye ngamunye abhadalelwe i$70.

Isikhalazo esihlala sikhona kumidlalo yonke, yikusilela kwalimali ngoba ngaphandle kokuthi kukhitshwe imali le, akulamidlalo ezaqhutshwa.

Isikhulumi seSRC uTirivashe Nehweyembwa uthe sebekhuthaze izabelo ukuba zibhadale ngokuphangisa.

Uthe wazise iphephandaba likazulu ukuba bazakhulumisana lenkokheli zezabelo ukuthi imali ibhadalwe.

Lonyaka imncintiswano iyehlukene laleyo eyancintiselwa kuminyaka edluleyo. Inguquko ekhona ibalisa imidlalo emitsha lokusetshenziswa kwenkundla kuzigaba ezitshiyeneyo.

Kukhangelelwe ukuthi kuncintiswane kumidlalo ebalisa ukugijima, i-basketball, ingqindi, i-chess, khilikithi, cycling, darts, ibhola lenyawo, galufu, handball, hockey, karate, ibhola lokuqaga, pool, rowing, rugby, shooting, swimming, table tennis, tennis, volleyball le-weightlifting.

Ngemizamo yokuqinisa amaqembu esizwe aphuma kulumncintiswano, abaqoqi bemidlalo yabasakhulayo bakubona kufanele ukuthi kwengezwe imidlalo lenani labadlali abancintisayo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds