Ama-cucumber alemali ezwayo ngeKhisimusi

22 Nov, 2017 - 13:11 0 Views

uMthunywa

Nomthandazo Ndlovu
ABALIMI bakhuthazwa ukulima umhlobo wama-cucumber obizwa ngokuthi yi-stonewall ngoba uyavuma ngalesi isikhathi somnyaka njalo uyaphangisa ukuvuthwa.

Ekhuluma loMthunywa uMnumzana  Jabulani Ncube  weSeedCco uthe lesi yiso isikhathi esilungele ukulima lumhlobo wama-cucumber.

“I-stonewall yilo i-cucumber osokumele abalimi balihlanyele ngoba liyaphangisa ukuvuthwa njalo alidingi msebenzi omnengi ukuze livuthwe,” kutsho uMnu Ncube.

“Njengoba sesiseduze lesikhathi sekhisimusi abantu abanengi bayawafuna ngoba adliwa kuma-salads lalabo abawosayo, ngakho umlimi angaphangisa ukuwalima uyathola imali ngesikhathi esifitshane  ngoba inengi labantu liyawathenga kakhulu,” kuchaza uMnu Ncube.

UMnu Ncube uqhubekele phambili wathi abalimi kumele bawanakekele ama-cucumber abo ukuze akhule abe ngalohlonzi oluphezulu.

“Okuqakathekileyo yikuthi umlimi afafaze ama-cucumber akhe nge-lebacid ukuze angaboli,” kuqhuba uMnu Ncube.

Omunye umlimi othe unguNkosazana  Tryphine Siwela uthe sewahlanyelile ama-cucumber semelele ukuwavuna kuphela.

“Mina minyaka yonye ngiyawalima ama-cucumber ngoba ayadlisa ngalesi isikhathi somnyaka, ngikhuluma nje sokusele isikhathi esincane ukuthi ngivune ngiyethengisa emkambo ngizitholele imali yami,” kutsho uNkszn Siwela.

“Ubuhle bama-cucumber yikuthi loba ngasiphi isikhathi somnyaka ayavuma okuqakathekileyo yikuthi umlimi akwazi ukuthi uhlanyela wuphi umhlobo oyiwo oyabe uvumelana laleso sigaba somnyaka, lapho ke umlimi sengawavuna kuhle elohlonzi oluphezulu,” kuchaza uNkszn Siwela.

UMnumzana Themba Siziba ongumlimi laye ugcizelele ngokuthi ama-cucumber ngesinye sezilimo abalimi osokumele babe matasatasa ngaso ngoba ayadlisa.

“Abalimi abadinga imali ngesikhathi esifitshane abahle baqale ukuhlanyela ama-cucumber, nxa umuntu engawahlanyela khathesi phakathi kukaMpalakazi ayabe eselungele ukuvunwa,” kuphetha uMnu Siziba.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds