‘Akuselandawo kuHighlanders’

24 Jan, 2019 - 00:01 0 Views
‘Akuselandawo kuHighlanders’ Madinda Ndlovu

uMthunywa

Nkosilathi Sibanda
IQEMBU leHighlanders lizangena kuhlelo lwayo lokulolongela iligi ka2019 ngeviki ezayo, okutsho ukuba umqeqetshi uMadinda Ndlovu uselabo bonke abadlali abafunayo.

Kubikwa lumqeqetshi uzagijimisa abadlali abangamatshumi amabili lasikhombisa kusukela ngoMvulo, ezama ukubumba iqula labafana abalwela ukubuyisela inkezo yePSL eMagumeni kulisizini.

IHighlanders bekumele iqale ukuqinisa abadlali ngeviki edluleyo kodwa kwehlula ngenxa yobudlwangudlwangu obabhaha ilizwe lonke.

Abadlali abasehlelweni lukaMadinda baleminyaka yokuzalwa ephansi, okuyikho okufunwa ngumqeqetshi lo kusukela engena umsebenzi nyakenye ethembisa ukwakha iqembu elizahlupha kulisizini.

Omunye wenkokheli zeBosso oxoxisane loMthunywa kuliviki uthe umqeqetshi weHighlanders uzaqala phansi kuleliqembu kufundisa abadlali amanyathelo okunqoba.

NgoLwesibili umaqhuzu wethimu uNhlanhla Dube ubike emsakazweni ukuthi kulabadlali abangamatshumi amabili lasikhombisa abazangena enkambeni yokulolonga.

UDube uthe abaqeqetshi bayasuthiseka ngabadlali abatsha ngoba yibo abakade bebafuna.

“Silabadlali abangamatshumi amabili lasikhombisa okwamanje. Bakhona abadlali esesikhulumisane labo basayina izivumelwano ezitsha. Silethe abatsha abazoqinisa iqembu njalo silabo abadlali abakade befunwa ngabaqeqetshi,” kutsho uDube.

Kubadlali abatsha, iBosso izabeka ithemba kuBukhosi Sibanda, Prince Dube, uCleopas Kapupurika owaye kuDynamos, Mbekezeli Sibanda ophuma kuTalen Vision loRussell Chifura.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds