uMthunywa
1 KUTHIWA kulomdala owaqatsha umakhi olenxwala ukuthi amakhele indlu wathola seyakhe komakhelwane.
2 ULOBUSO bombhobho, nxa ezibuka uphakamisa izandla ethi sarendi.
3 INCWADI eya eGoli
Kuwe seka Wenzile,
Ngikubingelele mkami emgimthandayo? Uziphilele sithandwa sami eGoli? Ulokhe uhlala eSoweto yini? Ngihleli ngikuphupha iGoli lobunkanyankanya bayo, mina ziyangibhedela. Ungenzani shuwa ungidlisa imbuya ngoluthi ukuhamba nya awungicabangeli mkami?
Zwana baba sengenze icala emzini wakho, sebangimithisa. Sengilevezandlebe yintombazana engayibeletha nge-operation. Ube uyabona-ke inkinga yokuhlalelana kude thina sitshadile, ngicela uxolo kube ngokwethu sobabili, ezalelwe esibayeni ngeyakho. Engikujabulelayo yikuthi yintombazana uzolobolisa ukhothakhothe.
Athi ukufana laboWenzile, yena kodwa umhlophe yisiphalaphala sentombi, uletsako njengabantwana bakaSaBheki kodwa abantu bathi ufana lawe xathu.
Igama lakhe ngathi nguXola ngoba ngicela uxolo kuwe.
Kodwa uvele ungamthola ngaphi obekezela njengami iminyaka emithathu ungalugxobi ekhaya? Ungizame phela ngezitshubo lemali yobisi ngoba amanesi angapha athi ngicakile ngokukhumbula wena wedwa nje. Kanti vele ubuya nini ekhaya?
Yithi ngiyevulela oqoqodayo ngabona nguSekaBheki.
Yimi ozithobileyo,
UNakaWenzile.
