uMthunywa
1. Umfundisi uthe ephuma esontweni wabona abantu abanengi bemile phandle, wasebuza umfana “kanti bameleni abantu?” Waphendula wathi kuthiwa kuzadlula usisi onqunu ngebhiza. Umfundisi wathi lami ngcono ngime kudala ngacina ukubona ibhiza.
2. Umbalisi ubuza abantwana, “lifuna ukuba yini nxa lingakhula?” Peter: Mina ngingakhula ngifuna ukuba ngu-bus driver, John: Mina ngifuna ukuba ngu-truck driver, uJames athi mina ngifuna ukuba ngu-tax driver, uMandla athi mina ngifuna ukuba ngu-screwdriver.
3. Indlela yokulamula iziphofu. Nxa ungahlangana leziphofu zisilwa ungahlupheki ukuba uzazilamula njani. Batshele ukuthi “awu madoda inqindi liyayiphosa sibili kodwa lo osekhiphe ingqamu nguye oseyingozi” bazahle babaleke bobabili khonapho khonapho bengazi ukuthi ngubani olengqamu.
4. Ucingo luyakhala . . .
Ntombi: Hello, sithandwa ngicela ungiphathele i-debonairs pizza.
Mandla: Kulungile kodwa ngizathenga ungayenza into eyodwa nje zwi.
Ntombi: Kuyini?
Mandla: Sipela ibala elithi debonairs.
Ntombi: Kkkk ngiyadlala ungiphathele isitshwala.
5. Okungamelanga likwenze nxa ligqoke isudu
i. Lingagqoki i-sneaker, ama-sandals kumbe amapatapata, kuphele khonokho nxa ligqoke isudu.
ii. Kumele likhethe izinto zokuthenga, hatshi ukubonakala sunatha amahewu, susidla imfe, amagwava, umumbu owosiweyo kumbe izithelo ezinjengomtshwankela ngoba lokhu kwehlisa isisindo sesudu.
iii. Kungakhulunywa okuhlekisayo hleka okulesithunzi hayi ukuhleka uveza amazinyo onke kumbe ukuhleka uze ukhale inyembezi.
iv. Lingagadi ibhayisikili nxa ligqoke isudu, ngiyacela, gadani imota kumbe i-taxi ingaze idule okunganani.
v. Lingabelethi i-satchel emhlane kumbe ukuthwala i-paper bag nxa ligqoke isudu. Thwalani isikhwama se-laptop noma lingasigqiba amatshe kumbe insimbi zemsebenzini akulandaba.
vi. Lingagqoki ingwane zewulu kumbe leziyana ezamaTshawa, kakudlisani lesudu.
