Akazihluphi ngitsho umqeqetshi

Akazihluphi ngitsho umqeqetshi

0 68
UCaster Semenya

UMQEQETSHI kaCaster Semenya, uSamuel Sepeng, uthi abasigqiziqakala isenzo se-International Association of Athletics Federations, sokumtshiya ngaphandle kuntshantshu ezinhlanu okuzokhethwa kuzo umgijimi womnyaka ngaphansi kwe-IAAF.

Ukukhethwa kwabadlali bekusenziwa ngamalunga akumaqula ahlukeneyo okuyizinhlanganiso ezingaphansi kwe-IAAF ezilamavoti angu-75%, i-IAAF Council ele 50% le-IAAF Family ele 25% kuphela.

Exoxa lentatheli kuliviki ngokwehlele uSemenya, umqeqeqtshi uthe abalandaba ukuthi i-IAAF yenzani ngenhlelo zayo.

“UCaster (Semenya) uzahlala eliqhawe lesizwe ngakho okwethu yikuqinisekisa ukuthi siyaqhubeka ukunqoba indondo lokuphula amarekhodi. Bakhona loba abekho, uCaster uzoqhubeka lokuthola indondo,” kutsho uSepeng.

Kulensolo kubalandeli bomdlalo wokugijima abathi ukukhitshwa kukaSemenya kungenxa yentukuthelo yokuthi akavumelani lesinqumo se-IAAF sokuvimbela abagijimi abalamandla adlulisileyo nxa kuqhathaniswa labanye abesifazane.

“Mayelana lesikhalazo esiphoswe nguCaster, asikhangelelanga ukuthi isinqumo sizovuna yena (uSemenya).

“Silindele loba yini abazoyitsho. Sizimisele ukubhekana layo emzileni. Okusenze sathatha isinqumo sokugijima ebangeni lika-1000m le-1500 bekuvele kuyikulungisela isimo esifanayo. Konke kuncike kuCaster, nxa ethi asigijime kuMarathon ezibona elawo amandla okwenza lokho sizoqhubeka ngokwenza njalo futhi siphinde siqophe omunye umjaho,” kutsho uSepeng.

USepeng, osanda kuthola umklomelo wokuba ngumqeqetshi wonyaka emcimbini weSouth African Sports Awards, obuseBloemfontein uthe:

“Ngisuka kude loCaster. UCaster (Semenya) bengisebenza laye ePotschefstroom (Unversity of North West). Ngaleso sikhathi ngangigxile kakhulu kuNigel Amos waseBotswana, owacina ngokuthola indondo yesiliva kuma-2012 Olympic.”

UCaster ngangilokhu ngimsiza ekubeni ayengaphansi kukaJean Verster,” kuchaza uSepeng.

“Kuthe uma sengigudukela ePitoli laye esefuna ukubuyela khona saphinde sahlangana.”

Kube yilapho behlale phansi bavumelana ngokuthi baphinde basebenzisane babumba elinye iqhinga lokwenza izinto ngendlela eyehlukene ebebenza ngayo beseseNorth West. “Yilapho-ke, ngibone ithuba lokuthi senze kahle ngokuthi sinqobe izindondo ngoba ezasePotchefstroom bezingena ngaphansi kukaJean Verster obengumqeqetshi wakhe,” kutsho uSepeng. — Ubulembu

SIMILAR ARTICLES

0 73

NO COMMENTS

Leave a Reply