uMthunywa
DURBAN — Intokazi eyayilingisa kumdlalo oyintandokazi iMuvhango ibivunule iconsa emtshadweni wayo wesintu njengoba ithathwa lisoka lalo elikwezemidlalo.
USimphiwe Ngema, owayedlala indawo kaThuli kulo umdlalo, lesoka lakhe elalilingisa kuRhythm City, uDumi Masilela banxuse izihlobo labangani ukuba bazobaxhasa labo njengoba bebebopha elikasofa silahlane ngoMgqibelo.
Abalingisi boMuvhango abafana loMacdonald Ndou, Melusi Mbele loBuhle Samuels bazifikele mathupha ukuzogubha lolusuku oluhle kangaka.
“Waze wamuhle umtshado. Lokhu kungukufezekiswa kwevesi elilapha kwabaseRoma 12:10 elithi:
“Thandanani ngenhliziyo ngothando lobuzalwane; ekwazisaneni landulelane,’’ kutsho uNdou.
Abanye abalingisi labo abazange basale ngaphandle njengoba bebabele ezinkundleni zokuxhumana behalalisela lezi zithandanani. — Ubulembu
