Uncategorized

Abesilisa sebelamandla okuhlela imuli nge-vasectomy

19 Apr, 2018 - 00:04 0 Views

uMthunywa

Thando Dube
KUMINYAKA edluleyo ukuhlela izimuli i-family planning bekuvame ukwenziwa ngabesifazane kuphela kodwa-ke inhlanganiso yePopulation Services Zimbabwe isikhuthaze abesilisa ukuthi labo bangadlala indima ekuhleleni izimuli ngokwenza i-vasectomy.

I-vasectomy yindlela ye-Family Planning yokubotshwa kwethumbu elithwala inhlanyelo kababa (sperm duct), kusenzelwa ukuthi nxa owesilisa esiya emacansini lowesifazana angenelisi ukumenza azithwele.

Ekhuluma emhlanganweni obuqoqelwe intathelizindaba yiPopulation Services Zimbabwe, uDokotela Raymond Chikore onguClinical and Quality Director kule inhlanganiso uveze ukuthi abesilisa sebengazikhethela labo ukuphatheka ekuhleleni imuli zabo ngokwenza i-vasectomy.

Kubikwa ngumnyaka ka2017 kulamadoda angu-63 enza indlela le yokuhlela imuli.

“Ngomnyaka ophelileyo kulamadoda angu-63 abuye esibhedlela sethu kulizwe lonke ezokwenziwa i-vasectomy okuyikuvalwa kwe-sperm duct ukuze beme ukwenza omkabo bazithwale. Lesi yisibonakaliso sokuthi labo abesilisa bayakubona ukuqakatheka kokuhlela izimuli.

“Kunani leli kugoqela owesilisa oleminyaka engamatshumi amathathu (30) okubone kuyisinqumo esihle ukwenziwa i-vasectomy.

“Indlela le ngenye yezindlela ezisetshenziswa ku-family planning ezijwayeleke kubomama ezigoqela; ukafakwa iJadele, i-loop, ukuhlatshwa i-depo kanye lezinye indlela ezimbalwa ezisetshenziswayo.

“I-vasectomy yindlela eyahlukileyo kulezinye indlela ze-family planning ngoba nxa i-sperm duct ingabotshwa akulandlela yokuyithandulula okutsho ukuthi yindlela othi ungayikhetha awusazali impilo yakho yonke,” kuchaza uDkt Chikowore.

UDkt Chikowore uphinde wengezelela ngokuthi obaba abakhetha isinqumo basenza ngezizatho ezehlukeneyo.

“Okokuqala abantu abatshadileyo bangavumelana ukuthi sebelabantwana abeneleyo njalo abenelisa ukubagcina, owesilisa sengenza isinqumo sokuthi enziwe i-vasectomy ukuze bazikholisele ucansi kungela kwesaba ukuthi sebengaba labanye abantwana,” kuchaza uDkt Chikowore.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds