Abasakhulayo baphiwa izicoco kuJibilika Dance Festival

28 Aug, 2015 - 17:08 0 Views

uMthunywa

Charity Moyo
UZULU wakoBulawayo uncinde ukudla kwamehlo ngempelaviki eAmphitheatre lapho abasakhulayo akade betshengisa  ubugabazi kwezomgido kumkhosi weJibilika Dance Festival.

Umkhosi lo obuqala ukuqhutshwa koBulawayo unike abatsha ithuba lokutshengisa izipho zabo kwezokugida.
Ekhuluma lentatheli uPlot Mhako ongumqondisi walumkhosi uthe inhloso yeJibilika Dance Festival yikunika abantwana ithuba lokutshengisa ubugabazi babo kwezokugida.

“IJibilika Dance yasungulwa ngomnyaka ka2007 ngenjongo yokuthi kubonakale ontanga abalethalenta. Ngomkhosi lo sifisa ukuncedisa abatsha ukuze babone ukuthi balakho ukuphumelela empilweni zabo,” kutsho uMhako.

Abantwana akade bekumkhosi lo bebevela endaweni ezehlukeneyo kuleli.

Iqembu elithole isicoco sakuqala kumkhosi lo ngeleMagesh Group lona elihambe lesikhwama silemali engange $1 000, ezithende zalo bekuleqembu leExplosion lakoNtuthu kuthi kunombolo yesithathu bekuleqembu ebelimele isabelo seMatabeleland South iEbony Arts.

UMthunywa wenelisile njalo ukukhulumisana loKudakwashe Charwadza ongumkhokheli weJibilika Dance Festival yena oveze ukuthi uthanda ukukhuthaza abasakhulayo ukuba nxa befuna ukutshengisa izipho zabo bakhululekile ukuthi bezokuba zingxenye zalumkhosi.

Uthe uyajabula ngoba umkhosi lo uphumelele kakhulu njalo abantu bathabe kakhulu ngalelilanga.

“Ngithanda ukubonga uzulu wakoBulawayo ngokutshengisa ukuthakazelela umkhosi lo. Ngithi kubo bonke abasakhulayo bangesabi ukubuya ukuze bezotshengisa izipho zabo kuJibilika Dance Festival,” kuphetha uCharwadza.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds