Abaqeqetshi badlisa abalandeli itshefu

09 Nov, 2017 - 02:11 0 Views
Abaqeqetshi badlisa abalandeli itshefu USteve Komphela

uMthunywa

YiNtatheli kaMthunywa
KUSOLWA abanye abaqeqetshi ngokufunza abathandi bakanobhutshuzwayo itshefu ngendlela abahlaziya ngayo imidlalo.

Umbono womqeqetshi weKaizer Chiefs, uSteve Komphela, ozithole engena esifundweni sendlela yesimanje sokuqoqa abadlali ngemva kokuthi kukhona omsole ngokubophela abadlali abayisithupha emuva ngesikhathi bebhekene leChippa United ku-quarter-final yeTelkom Knockout ngempelasonto.

IChiefs idlulele kuma-semi final alumqhudelwano, lapho eqhathwe leBidvest Wits, ngemva kokunqoba nge 1-0 ngombekwa kaBernard Parker eNelson Mandela Bay Stadium.

“Kulula ukufafaza itshefu kulokusabalalisa into engeyakhayo. Ngiyafisa ukuthi singatsho okuyikho ukuze sifundise abantu ngezinto ezinhle zomdlalo ngoba lapha sakha into okumele i-Absa Premiership, iPremier Soccer League loba ngabe ngubani azoziqhenya ngayo. Sonke sihola ngalo umsebenzi, kubalulekile ukuthi siwuvikele. Kubukeka sengathi sikhahlela itafula esidlela kuyo, kuyamangalisa,” kutsho uKomphela.

Uvale inkulumo yakhe ngemva kokuchaza ukuthi iqembu lakhe alikaze ligqitshe ngababadlali abayisithupha emuva.
“Sidlala ngabadlali abathathu emuva. Silababili kunhlangothi zonke. UTight uyahamba aze ayofika phambili kanjalo loPhilani, lokho kutsho ukuthi sisebenzisa lokho okubizwa ngokuthi yi-3-3-4, okuyindlela eqinisa ithimu uma ihlasela.

“Kumele ngixwayise ezakwethu, ngitsho abaqeqetshi, ngokuthi kwesinye isikhathi bayabadukisa abantu ngendlela abahlaziya ngayo izinombolo. Ngesikhathi sidlala labo eLoftus besidla nge 2-1 (ngesizini edluleyo), langesikhathi sikade sidlala labo eLoftus siwina kulokho, besidlala ngendlela efanayo. Ibhola lamanje litshengisa ukuthi kumele uvale izikhala esiswini, ngokuthi udlalise abadlali abathathu emuva loba esiswini. Ukudlala i-3-4-3 loba i-4-3-3.

Inhloso enkulu yikulawula isikhala esiswini lakunhlangothi zonke.

“Nxa ungakwenzi lokho amaqembu azokucindezela. Nxa uZwane loVilakazi bengena ngaphakathi, lapho kusekhona uKekana loMabunda labo abadlali abane. Kube kusekhona uTau loBilliat phambili.Nxa kuMaritzburg uMaboe loMakaringe bengena ngaphakhathi, ubhekana kanjani lalokho kugcwala kwesisu.

“Angeke udlale ngabadlali ababili. Kumele loba sekutheni ube labadlali abathathu. Angizami ukufundisa ukuqeqetsha kodwa lokhu kungumqondo osobala,” kuchaza uKomphela.

Uthe inkinga yikuthi umuntu okhuluma okungayisikho ukholakala kalula kulokhuluma iqiniso.

Mayelana ngokuqathiswa leWits, uthe uzolindela ukubona ukuthi iZitshudeni ziwuyisa kuyiphi inkundla umdlalo kodwa inhloso yeqembu yikungena ku-final.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds