Abalimi kabasebenzelane lababona ngomkhathi

21 Jun, 2018 - 00:06 0 Views
Abalimi  kabasebenzelane lababona ngomkhathi

uMthunywa

Arnold Ndlovu
INHLANGANISO ekhangela ngezokulima i-Agritex ikhuthaza abalimi ukuthi basebenzisane labakhangela ngezomumo womkhathi ekunakekeleni izilimo zabo ngesikhathi somqando.

Ekhuluma lephephandaba likazulu uNkosazana Treggie Mpofu onguHorticulture Specialist esabelweni seMatabeleland uthe abalimi kumele basebenzisane labezomkhathi abeMeteorological Services ukuze bavikele izilimo zabo.

“Abalimi bajwayele ukuthi ngesikhathi somqando bakhangele kuphela ekuvimbeni umqando kuzilimo zabo loba bengazi ukuthi kuqanda okunganani yingakho njengenhlanganiso sikhuthaza abalimi ukuthi basebenzelane labakhangela ngomumo womkhathi ukuze babekwazi ukuthi izilimo zabo bazinakekela njani.

“Abalimi kakhulu abalima imibhida kanye lamatamatisi bajayele ukukhangela ukuthi bavikela izilimo zabo ekutshazweni ngumqando njalo bajwayele ukufaka utshani emibhideni yabo okungaba yingozi esilimweni ngoba beyakhela izinanakazana indawo zokuhlala, kodwa-ke nxa bengasebenzisana lababona ngomkhathi bazaba kwazi ukuthi ukuze izilimo zabo zitshazwe kuyabe kuqande okungakanani,” kuchaza uNkszn Mpofu.

Uqhubekele phambili wathi ngokusebenzisana labomkhathi abalimi balakho futhi ukwazi ukuthi izifuyo zabo bazihlalise endaweni ezinjani kanye lokuzidingela ukudla okuhambelana lesikhathi somqando.

“Abalimi nxa bengasebenzisana labomkhathi bengaba kwazi isimo somkhathi welanga abakilo baphinde babekwazi okuzayo emavikini alandelayo ngoba kuyabanceda ekuhleleni kwabo ukuthi bazavikela njani izifuyo zabo.

“Ngokubambisana lababona ngezomkhathi abalimi kuyabancedisa ekuvikeleni ukudla kwezifuyo ngoba bayenelisa ukuthi bakugcine kuhlanzekile njalo kungahlangani lamazolo kumbe ukuqanda ngoba kungabangela imkhuhlane ezifuyweni,” kuphetha uNkszn Mpofu.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds