Abaculi gwaqa eMpopoma befundisa intsha

03 May, 2018 - 10:05 0 Views
Abaculi gwaqa eMpopoma befundisa intsha UBleckhit

uMthunywa

Arnold Ndlovu
AKUBIZWA ozwayo eNyathi Youth Centre eMpopoma ngoMgqibelo lapho abahlabeleli abehlukeneyo bakoNtuthu abazadibana ngenhloso yokufundisa intsha ngenkinga ezitshiyeneyo abahlangana lazo empilweni.

Umkhosi lo obizwa ngokuthi Kasi Music Slam ngumkhosi ohlanganisa abahlabeleli abatshiyeneyo njalo bavakatshela amalokitshi ehlukeneyo nyanga zonke besebenzisa umculo ukufundiseni intsha.

Ekhuluma lentatheli yephephandaba likazulu uBongelani Ncube ongumhleli womkhosi lo, uthe umsebenzi lo bawuqala ngenyanga kaMfumfu nyakenye ngenhloso yokufundisa intsha ngobubi bokusebenzisa izidakamizwa, ukukhulelwa besabancane legcikwane leHIV and Aids.

“Umkhosi lo weKasi Music Slam sawuqala emnyakeni ophelileyo ngoba sesibonile ukuthi intsha ezikhathini ezinengi ayitholi ulwazi ngendaba ezibahlasela kakhulu ezifana lezidakamizwa lendaba zocansi. Sakhetha ukuthi sisebenzisane labaculi abasakhulayo njalo abenza imiculo efana le hip-hop, Trap leGqom ngoba yiwo ohuga intsha.

“Ukwenza umsebenzi lo akukho lula kodwa ngokuqakatheka kwawo sabona kumele sizenzele njengentsha ngoba ukugoqa izandla sikhangela ikusasa lelizwe litshabalala akwenzi. Okwakhathesi sincedisana kakhulu labokhansila abasincedisa ngokusipha indawo esenzela imikhosi yethu le.

“Ngokuya kwesikhathi sizazama ukukhulumisana lenhlanganiso ezehlukeneyo ezigoqela iNational Aids Council labe Family Planning Services ukuze singafundisi nje kuphela kodwa kube kulezindawo zokuhlolwa kanye lokupha okudingekayo ekuzivikeleni ukuhlangana emacansini abantu bengazivikelanga,” kuchaza uBongelani.

UMthunywa ukhulumisane lomunye wabahlabeleli ozabe esemcimbini lo, uBleckhit othe yena uyathaba ukunxuswa emkhosini lo ngoba ufundisa intsha ngempilo.

“Umkhosi lo uzaba lusizo kakhulu ebantwini abasakhulayo hatshi kuphela kwabeMpopoma kodwa endaweni ezinengi esihamba khona.

“Okunye okuhle kubahlabeleli yikuthi bazathola isikhathi sokuthengisa umculo wabo lokuxoxisana labalandeli babo, njalo ngomkhosini lo abantu bazabe bengena mahala,” kuphetha uBleckhit.

Abanye abahlabeleli abazabe bekhona nguNkosi, D’Sibbz, Sammy Elandz, MK Auther labanye abanengi.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds