uMthunywa
Charles Dube – Umndeni wako Ngubane lowakomalumakhe uCele usuhlangene bazisondeza kuMdali ngemithathandazo Bathandaza beyibonga iNkosi ngezimangaliso zayo. Sitshilo ngaphambilini ukuthi ngemva kwecele kwathandaza uMaKhumalo, umka Cele owaze wakhala ethi ukhumbula izikhathi ezinzima lapho uJohn Mbabhadisi Ngubane wayesefana lomuntu osewafayo emzini wakhe, kanti iNkosi izozesula izinyembezi zomndeni ngokumbuyisa.
Wakubonga ukuthi iNkosi ibapha uHlanganisani owayese-wuhlanganisile lowo mndeni njengoba kwasekwenzeka.
Umthandazo kaCele wabamba kulawo magama. Ekuvaleni lowo mthandazo uVikizitha yena wathi wayekwazi ukuthi iqiniso liyobahlanganisa ngoba abathembela eNkosini abalakujabhiswa lanini. Ngemva komthandazo kwalandela ukubingelelana, ikakhulu ukubingelela uJohn Mbabhadisi Ngubane.
Kwaqala uMaButhelezi owazethula wahanga uNgubane wasethi: “Siyathokoza ukuthi iNkosi ikuhlengile yakubuyisa ekhaya malume wethu okukuphela kwakhe. Nomalumekazi uzophila manje. Lesi sifo sakhe si-psycho-somatic. Usezovuka ngqongo umalumekazi. Owesibili owayezethulayo kwaba nguHlanganisani owacupha amazwi akhe kugwalo oluthile ethi, “Ngiyamthanda u-Gregor Mendel uma ethi, “Species always return to type. Mina ngiyazi ukuthi umalume wethu uyobuyela kulokhu ayefanele abe yikho.
“Ngangingazi ukuthi wena malume unguMbomvu waseMpaphala, futhi uyogcina eMpaphala. Siyanemukela eMpaphala malume lomalumekazi. Namathambo obabamkhulu azoke athole ukuphula namuhla ngokungena kwenu kuleli khaya.” Lokhu okwenzakala lapha kutshengisa kamhlophe ukuthi kulumuzi abantu bankolelombili.
Baphatheke ngokukhuleka eNkosini kodwa abakhohlwa imvelo yabo eyokuthi oyisemkhulu asebafayo labo bakhangele njalo bayaphathisa labo abaphilayo. Lokhu kuvela sobala enkulumeni kaHlanganisani esemukela umalumakhe uJohn Mbabhadisi.
Sekulithuba likaVikizitha wakhala wasehaga uyise okwesikhathi eside. Akakwazanga lokukhuluma ngesikhathi besehlukana, kodwa wadonsa uyise wamsondeza kunina owaye ngenduku yakhe yokudondolozela. Waphakamisa isandla sakhe sokuphonsa uMaMthimkhulu waqhweba umyeni wakhe. Bobabili bakhala kakhulu, emva kwalokho bakhipha amaduku bazesula. Bathi besamile bezesula kwangena uZaneqiniso owaqonda kugogo wakhe wambuza ukuthi ukhalelani? Wabuza ukuthi wayemenzeni umkhulu owabhunguka?
Bahleka oHlanganisani. Wasegoba uHlanganisani ekhuluma loZaneqiniso emtshela ethi bakhaliswa yinjabulo ogogo lokhulu. Wachasisa wathi umkhulu usebuyile ngakho akuseyena umkhulu owabhunguka. Wathi usemkhulu njengoba logogo kungugogo kuphela. Wayaphambili laye ebuza uZaneqiniso ukuthi kalayo yini imota umkhulu? Uyananzelela izinto uZaneqiniso ngoba uveza ukuba umkhulu imota afike ngayo ngeyokuqhatshwa.
UHlanganisani ebona ukuthi imbuzo kaZaneqiniso iyaqhubeka wamxwayisa ukuba uzobuya axoxe lomkhulu ngakwesinye isikhathi, kodwa kahambe ayedlala lezinye izingane ezama ukwehlukanisa uZaneqiniso loMaMthimkhulu.
