uMthunywa
Silo Charles Dube – UJohn Mbabhadisi Ngubane simtshiye kuviki ezimbili ezidlulileyo ehlatshwe ngamazwi engane encane uZaneqiniso. Kakhekhelezi ukutshela uMbabhadisi iqiniso uZaneqiso ukuthi wabhunguka. Uyamtshela njalo uZaneqiniso ukuthi akekho ubhiye (utshwala) lapho ekhaya ngoba koCele ngumuzi wamakholwa, akunathwa tshwala.
Sikunanzelele futhi ukuthi ngoZaneqiniso uMbabhadisi uthola isifundo ngobubi botshwala. UZaneqiniso uthi uyisemkhulu uCele uthi utshwala ngumbulalazwe. Ngamanye amazwi utshwala buyalibulala ilizwe ngoba buxhwalisa abantu benze izinto ezingalunganga elizweni. Akulantuthuko ebakhona ebantwini nxa abantu beqinisa ubhiye. Uyaphambili uZaneqiniso ethi unina loyise kabawufuni ubhiye, bathi lezinja ziwanyanya kaziwuphuzi.
Lahlaba lathontela kuNgubane elomntwana. Kuthiwa amehlo ayo ayehlaba kungathi ithi yona yezela iqiniso lapha emhlabeni. Ye, kulamagama aphiwa abantwana ahambelana lokwenza kwabo. Nangu uZaneqiniso etshela uMbabhadisi iqiniso lalokho akwenzayo. Esehlatshwe ngamehlo kaZaneqiniso lamazwi akhe uMbabhadisi utsha amathe aze acele ikhofi. UZaneqiniso ukhuluma kungathi uyaklamasa etshela uMbabhadisi ukuthi akukho okungekho kwakhokho wakhe egcizelela ukuthi unina loyise bamthengela konke ukhokho wabo.
Nanzelela mfundi ukuthi la ngamazwi ahlaba isazela sikaMbabhadisi simkhumbuza ukuthi yena kalalutho njengomuntu owabhungukayo wadliwa zindunduma. Kahlalisekanga uMbabhadisi ngoba uyasukuma efuna ukulandela uZaneqiniso ukuze amsize. UCele esizwa izigi uyambuza ukuthi uyangaphi uMbabhadisi, yena uthi ubesithi uyosiza izingane ekhishini, futhi abone ukuthi zenza ngakho yini. UCele umtshela ukuthi kayekele lezo zingane ngoba ziyazi into eziyenzayo.
UCele uthi kabahlale phansi baxoxe. Iminyaka engamatshumi amabili yisikhathi eside. Uyaphambili uCele ethi ubesatsho ukuthi bona oMbabhadisi bangomfundoncane. Le nkeshezana yemfundo iyabadida, iyabakhukhumeza ibavale amehlo kanye nezindlebe. Ingane zikaLinono zimfun’ende enesisekelo. Ngokufuna kuqala umbuso kaNkulunkulu nokulunga kwawo lezi zingane zibusisiwe. UMbabhadisi esezwile ukuthi njengoba izingane zikaLinono zingekho zisalande umkakhe eThekwini uyabuza ukuthi umkakhe wuphi?
UCele ukubeka sobala ukuthi kawuthandi umbuzo kaMbabhadisi. Uthi wamtshela ukuthi umkakhe munye, uMaMthimkhulu. Uthi umkakhe uwile izolo wasesehluleka ukuhamba. OHlanganisani babone ukuthi kuhle azolulamela lapho ekhaya. Uyezwa njalo uMbabhadisi ukuthi uVikizitha laye ukhona njalo uCele wathi bengafika loba nini. Zangena zilandelana izimota zapaka duze komnyango. Wababuka ababehla emotweni uNgubane kwathi makabaleke.
Zwana okwalandelayo kumaviki amabili alandelayo.
