Abalimi bengafuya okunye okungayisikho nkomo

31 Mar, 2015 - 16:03 0 Views
Abalimi bengafuya okunye  okungayisikho nkomo

uMthunywa

NguLucky Tshabalala
INHLANGANISO yeLivestock Production Department (LPD) ebona ngezifuyo isikhuthaze abalimi beMatabeleland North ukuthi bafuye ezinye izifuyo ezincinyane ezifana lengalukhuni lamathendele.Lokhu kuvezwe nguMnumzana Addmore Chikohwa onguProvincial Livestock Specialist esabelweni seMatabeleland North, ngemva kokunanzelela ukuthi abalimi abanengi bafuye inkomo nje ngenjongo yokudla ejwayelekileyo kukanti ke bengafuya lezinye izifuyo ezincane ezingabanika inzuzo.

Ekhuluma lephephandaba likazulu uMnu Chkohwa uveze ukubana abalimi kumele baguqule umcabango wokufuyela ukudla bona bengafuyela inzuzo. Ubuye wathi okunye okuqakathekileyo yikuthi abalimi nxa beyafuya izifuyo ezincane kumele bazifuye zibenengi ukuze benelise ukuthengisa.

“Abalimi kumele baguqule umqondo wokufuyela ukudla bazi ukuthi balakho ukufuya izifuyo ezincane ezingabalethela inzuzo. Okufunekayo kuphela yikuthi bazifuye zibenengi ukuze benelise ukuzithengisa,” kutsho uMnu Chikohwa

Ubuye waqhubekela phambili wathi lezi zifuyo ziyancedisa ekuthini azilandleko ezinengi ezidingakalayo nxa ufuna ukuzifuya ngakho ke zingaletha inzuzo enengi sibili.

“Izifuyo ezincane azithathi mali enengi nxa umuntu efuna ukuzifuya ngoba azidingi kudla okuya ngaphi njalo imithi yokuzidoza lezi zifuyo ayiduli ngitsho,” kulandisa uMnu Chikohwa.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds