Ukufuya impethu kulakho ukuphathisa abafuyileyo

12 May, 2016 - 00:05 0 Views
Ukufuya impethu kulakho ukuphathisa abafuyileyo Impethu

uMthunywa

Buhlebenkosi Gaule
ABANHLANGANISO yeZimbabwe Organic and Natural Food Association (ZONFA) baxwayise abalimi ukuthi bangasaleli emuva ekudingeni indlela zokunonisa izifuyo zabo nanko phela bangengezelela ukudla okwakha umzimba kuzifuyo zabo ngokufuya impethu.

Umqondisi we ZONFA uMnu Victor Marufu uchaze ukuba impethu zazakala njezinanakana ezenyanyekayo njalo ezitholakala lapho okulengcekeza kodwa abantu abanengi abazi ukuba imphethu ziyenza ukudla okulohlonzi kuzifuyo.

“Njengenhlanganiso yeZONFA siyazi ukuba abalimi abanengi abasoze bakuzwisise ukuba bangafuya impethu ukuze izifuyo zabo zithole ukudla okwakha umzimba lamaproteins aneleyo.

Ukudla kwezifuyo okuthengwayo kuyadula njalo ngokuya kwesikhathi kuzabe sokusilela okutsho ukuthi abalimi kumele bakhangele ezinye indlela zokunonisa inkomo zabo”, ngamazwi kaMnu Marufu.

Uthe ukuze umlimi aqale ukufuya impethu kuzadingeka ukuthi athole ingcekeza yenyoni okungaba ngeyezigwaca esezigcinwa linengi kulezinsuku.

Ingcekeza le kubikwa iyahlanganiswa lenye ingcekeza engagoqela amatamatisi abolileyo kumbe ukudla okubolileyo kufakwe emagabheni kuvalwe lokhu kuzenza impukane zibuye zizobekela amaqanda.

“Nxa impethu zingacacada umlimi uyenelisa ukuba athele amanzi aqandayo kancane lokhu kuzakwenza ukuba zibalekele amanzi zihahambe endaweni ewomileyo, nxa lokhu sokwenzakele umlimi uyenelisa ukuba azivalele lapho ezingasoze zenelise ukudla azifake elangeni ukuze zife njalo ziwome,” kutsho uMnu Marufu.

UMnu Marufu uchaze ukuba nxa impethu sezomile umlimi uyenelisa ukuzichola azihlanganise lokudla kwezifuyo okuzadala ukuba ukudla kwezifuyo kube ngokohlonzi oluphezulu ngoba sokulamaprotein amanengi.

Wengezelele wathi ukufuya impethu kulula kabi akudingi mali njalo akudingi ndawo enkulu.

“Ukufuya impethu ukuze inyamazana zithole ukudla akuthathi ndawo enengi njalo impukane zilakho ukubekela amaqanda ayi 750 ngeviki kusitsho ukuba umlimi uyenelisa ukuthola ukudla kwezifuyo ngeviki ngeviki.

“Okunye njalo okuhle ngalokhu yikuba akudingi mali okwakho yikuhlanganisa ingcekeza kuphela uyivalele emagabheni, Kutsho uMnu Marufu.

UMnu Marufu uphethe ngokuthi inhlanganiso yeZONFA ilesifiso sokuba lapha abantu abalahlela khona ingcekeza kuqale ukufuywa lokuvuna impethu ngoba lokhu kuzanceda abalimi elizweni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds