Ubuhle bokutshada umtshado ka-Marriage Act Chapter 5:11

05 May, 2016 - 00:05 0 Views
Ubuhle bokutshada umtshado ka-Marriage Act Chapter 5:11

uMthunywa

Pumulani Mpofu

UMTSHADO uyisibusiso esivela kuNkulunkulu njalo ulihawu elivikela omama kanye labantwana ezimulini zabo.Izikhathi ezinengi uthola ukubana umtshado uqakathekiswa ngendlela ephakemeyo njalo edala ukubana laloba abantu sebecabanga ngomtshado bacina esigqokweni esimhlophe lasemthimbeni wokutshada belibala ukubana kulempilo ngemva komthimba lendandatho egqokwayo.

Udubo nje ngabantu yikubana basuka balibale ukubana okuyikho okuqakathekileyo emtshwadweni yisithupha sodwa nje ngoba lendandatho sungayigqoka nje laloba ungatshadanga kodwa isithupha ngazake usilobe sibesemthwethweni wena ungazange utshade.

Kule iviki ngizathanda ukubana sike sixoxe kabanzi ngendaba yomtshado lo obizwa ngokuthiwa ngu-Marriage Act Chapter 5:11. Umtshado lo ngovuma ukubana kuthathwane phakathi kukamama munye lobaba munye  njalo ucacisa kube sobala ukubana abantu laba abatshadileyo bahlangana ngokwenyama kuphela hatshi ngokwempahla. Lokhu kuchaza sobala ukubana laloba nje sithandana njalo sesithethene ngokusemthwethweni impahla yami njalo esebizweni lami ngeyami njalo lawe esebizweni lakho ngeyakho. Inengi labantu nxa sebetshada bagijimisa ukubana umtshado lo kawuvumi isithembo besebelibala ukubana bazwisise kabanzi ukubana wona uvele uqukuthe ini.

Umtshado muhle ngendlela ezinengi. Okokuqala umtshado lo olesithupha muhle kakhulu ngoba wenza kubelula ukubana abazali bathathele abantwana babo izincwadi zokuzalwa laloba omunye engekho. Okuyabe kufuneka kuphela yincwadi yomtshado ubaba loba umama kanye lezithupha zabo loba nje omunye wabazali engekho.

Okunye okuhle ngomtshado yikubana nxa omunye wami sethe wabhubha kubalula ukubana utshengise ukubana ubungumkakhe njalo kwenza kubelula  ukubana ilifa lakho labiwe.

Okunye njalo okubalulekileyo mayelana lokutshada yikubana kupha ubaba loba umama amalungelo aphakemeyo njalo kuyabavikela kuzehlakalo ezinengi ezingaphuthisela abantwana ikusasa elihle. Nxa utshadile kuqakathekile ukubana nxa usuloba ngokubana ngubani ozakudla imali yakho yepentsheni (pension) kubalula ukubana umkakho aveze emahofisini ukubana nguye obekade engumkakho.

Ingqobe ngiyitshiya kini mahlabezulu,  kasithatheni ngokusemthethweni enkantolo. Ukutshada nje emthethwandaba kufunakala imali engange-$15 kuphela kanye lencwadi zokuzalwa lesithupha zalabo abatshadayo.Kufanele ukubana libe labafakazi ababili labo belezithupha zabo.

Kasihlanganeni njalo kuviki elizayo.

Umlobi utholakala kunombolo zocingo ezithi 0773195055 lakukheli ethi www.trinityproject.biz

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds