‘Sekwanele . . .’ — Gumede

23 Mar, 2015 - 11:03 0 Views
‘Sekwanele . . .’ — Gumede uNdumiso Gumede

uMthunywa

NguNkosilathi Sibanda
UNDUMISO Gumede uthi lonyaka iqembu leHighlanders lizakuba yintshantshu yenkezo yeligi yeCastle loba sekutheni ngoba akula okunye abakukhangeleyo ngaphandle kwalokhu.
Umaqhuzu weTshilamoya lo kakufihli ukuthi uyakhathazeka nxa iqembu lakhe lidelelwa ngamanye.
Isizini iyaqala kulimpelaviki njalo iBosso iyethekelela iZPC Kariba eHarare.

Ngokuthwala iligi ngo2006, iHighlanders ayizange inqobe isondelele ukubamba inkezo yeligi.

UGumede uthe kafuni ukugcwalwa zinhloni zokunqotshwa njalo kumkhankaso walonyaka.

Ngokuqhatshwa kwakhe kuHighlanders ngoNhlangula womnyaka ophelileyo, uGumede kukhanya ukubona kungumlandu wakhe ukuthi akhuze ithimu ukuze inqobe.

Ukutshaya iZPC Kariba kumdlalo wakuqala kuzaba yimpumelelo enkulu kusiphathamandla lesi.

UGumede uthe iBosso izakuba yithimu yokubukela lokusekela kumidlalo elandelayo.

“Kanti kuzaphela nini ukuhlala sikhala ngokuthi iDynamos iyasinqoba? Sekwanele njalo akumelanga sihlale sikhumbula ngemidlalo yakudala. Imidlalo yalisizini yehlukene kakhulu kulamasizini adluleyo. Siqala kutsha ngakho sizanqoba.

“Abasekeli bethu abakhuze ithimu ngedlabuzane,” nguGumede lo.

Umaqhuzu wethimu yezwe lonke uqhubeke wathi imuli yeHighlanders ayinanzelele ukuthi ukunqoba ithimu eyodwa akutsho ukuba umkhankaso wenkezo yeCastle usuphelile.

“Singakhangeli umdlalo owodwa kuphela. Ukunqoba phezulu kweDynamos loba yiphi ithimu ayisikugqiba umncintiswano. Manengi amaqembu kuligi esidlala lawo, alakho ukuthi asincintshe ithuba lokuba zintshantshu.”

Leli yilo iqiniso elikhwezela idlabuzane lokubukela umdlalo wethimu le.

Umqeqetshi wethimu uBongani Mafu uthe kuzakuba lokugedla kwamazinyo kusukela kulimpelaviki.

“Ngibona angathi ithimu isilolongile kwenela. Asithembisi lutho ngaphandle kokuthabisa abasekeli bethu. Amathimu azabona izimanga.”

NgoMgqibelo:
FC Platinum vs Dongo Sawmill, Chicken Inn vs Flame Lily, Dynamos FC vs Buffaloes, ZPC Kariba vs Highlanders.

NgeSonto: Triangle United FC vs Hwange FC — Gibbo, How Mine FC vs Chapungu FC — Luveve, Whawha FC vs Caps United FC — Ascot.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds