Umantshi ukhuza Iziqholo zeZhwane

04 Jun, 2015 - 09:06 0 Views
Umantshi ukhuza Iziqholo zeZhwane ULizwe Sweswe

uMthunywa

YiNtatheli kaMthunywa
ITSHOLOTSHO FC ingazibona isitshibilika emahlangeni njalo nxa ingehluleka ukuthenga abagadli ababukhali kanye lokudinga abaqeqetshi abazi ngcono.

Lokhu kukhulunywe nguAbednico Ndebele obengumantshi wesigaba seTsholotsho kusukela ngo2003 kuze kufike umnyaka lo.

UNdebele waqeqetsha iTsholotsho FC isadlala kumaligi aphansi ngo2005 kusiya ku2006. Ngaleso sikhathi ithimu le kwakuthiwa yiTsholotsho Pirates.

Ubalelwa kubaqeqetshi labo abenza ukuthi iTsholotsho ikhule ibeliqembu eselidlala kuligi ephakemeyo.

Kungxoxo abalayo loMthunywa, uNdebele uthe ngaphandle kokuthi kutholakale abadlali ababili loba abathathu abazi ukuhlohla, iTsholotsho ingasebenza nzima ukuthi ibambelele kulogu yeCastle PSL.

“Ukuze iTsholotsho iphumelele loba inqobe kumele idinge abadlali abadala kumdlalo wenguqu, abadlali abalesikhathi belikhaba kuligi yePSL. Angibasoli laba abakhona kodwa ngithi abadlaliswe lalabo abalesikhathi eside bekuligi le. Iligi yePSL ifuna abadlali ababukhali ngamabhola.

“Lasebhentshini labaqeqetshi akufakwe umuntu olamacebo okwehlula amanye amathimu. Lapha ngicabanga ukuthi uWillard Khumalo angaba ngomunye ongacelwa ukuthi ancedisane labaqeqetshi bethu,” kutsho uNdebele.
UNdebele uthe ubona angathi abadlali abaphakathi kwenkundla yibo abalahlisa iTsholotsho ukuthi inganqobi maviki wonke.

“Abadlali abangama-midfielder babuyisela ithimu emuva. Behluleka ukugcina ibhola, lapho abalithola khona abalifikisi kubagadli ngaphambili.

Isicelo sikaNdebele lesi siza ngesikhathi inengi labasekeli beTsholotsho selitshaywe luvalo lokuthi ithimu ayidlali kuhle.

Umqeqetshi uLizwe Sweswe uqina ngokuthi ithimu yakhe izadlalela ukuhlala kuPSL.

“Siyalahleka lapha lalaphaya kodwa abadlali bayazi ukuthi kumele singaphumi kuPSL ngomnyaka wethu wakuqala sikuligi le,” kutsho uSweswe.

ITsholotsho FC kulimpelaviki ingena umango isiyadlala leTriangle.

Imidlalo yeCastle PSL kulimpelaviki:
NgoMgqibelo: ZPC Kariba v Dynamos (Nyamhunga), Chapungu v Chicken Inn (Ascot).
NgeSonto: Dongo Sawmill v Harare City (Vengere), Buffaloes v Whawha (Sakubva), Hwange v FC Platinum (Colliery), Triangle v Tsholotsho (Gibbo), Caps United v Flame Lily (National Sports Stadium), Highlanders v How Mine (Barbourfields).

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds