uMthunywa
LOBA kuthiwa amakhowa awuwathandi ungawapheka ngendlela le engizakutshela ngayo uzahlala uwapheka emzini wakho uze udinwe.
Okudingakalayo
– 100g amakhowa (loba yiwuphi umhlobo)
– Amaqanda amabili
– Ukhezo olulodwa (1 tablespoon) lwe-turmeric kumbe i-Royco beef flavour
– Inkezo ezine (4 tablespoons) zefulawa
– Isawudo
– Amafutha okupheka
– Imbiza
– Ukhezo
– Isitsha sokuvubela
Ukupheka
– Faka amaqanda, ifulawa, turmeric kumbe i-Royco, isawudo ukuhlanganisele esitsheni. Kuhlanganise uze ubone ukuthi sokuhlangene sibili.
– Faka amakhowa uhlanganise njalo kuze kuhlangane okwamagama.
– Faka emafutheni atshisayo sibili upheke njengama gwinya.
– Nxa esengumbala ofana lowegolide ayabe esevuthiwe-ke sungephula imbiza yakho.
Ukudliwa
Nxa amakhowa uwapheke kuhle kumele ahlabuse njengenkukhu ngokwayo. Sungawadla loba ngasiphi isikhathi loba engela mphelekezeli ayangena, abutshintshi ubunandi bakhona.