UMahachi ucacisa ngokutshiya i-Arrows

11 Jan, 2018 - 00:01 0 Views
UMahachi ucacisa ngokutshiya i-Arrows uKudakwashe “Nkembe” Mahachi

uMthunywa

YINthatheli kaMthunywa
ISITHANDWA sabalandeli beLamontville Golden Arrows, uKudakwashe Mahachi waseZimbabwe sebhoboke okokuqala ngesimo sakhe kuleli qembu laseThekwini lendaba ezisabalele zoku joyina i-Orlando Pirates.

Manje ngoZibandlela uMahachi uya kuPirates  njengoba kuvuleke iwindi lokutshintshana ngabadlali livuliwe kodwa ngesikhathi kukhulunywa lomdlali lo bekuvalelwe ikhefu loba nje ekubeke kwacaca ukuthi uzohamba nxa sekuphele isizini.

Ngesikhathi uMahachi efika kuArrows esuka kuMamelodi Sundowns ngo-2014 akuzange kucace noma uthengwe ngokugcwele kuyo kumbe ubebolekisiwe.

Lokhu ukungacaci kwekusasa lalumdlali bekwenza umqeqetshi we-Arrows uClinton Larsen ahlale engazi kumbe uMahachi uzobuya.

Ngasekuqaleni kwale isizini obengukaputeni wePirates, Oupa “Ace” Manyisa, usayine kuSundowns lavela igama likaMahachi kuthiwa uzasuka ku-Arrows aye kuPirates. Ngaleso sikhathi imibiko ngalokhu ibitshengisa ukuthi konke sekusele ekutheni uMahachi agade aye eGoli. Lokho akuzange kwenzeke ngoba uMahachi ubengakufihli ukungathandi kwakhe ukuya kuPirates.

“Liqiniso ukuthi ngiyahamba nxa kuphela isizini ngiya kuPirates. Akusatsho lutho ukuthi bengisathanda yini ukuhlala ku-Arrows loba cha ngoba ingxoxo bezingekho ezingeni lami.

“Amaqembu womabili akhulume aqeda mina ngatshelwa okuzokwenzekala. Ingithengile iPirates. Ngizahamba nxa kuphela isizini,” kutsho lumdlali.

Yisitayela sabadlali bakulezi insuku ukuthi bakhangele kuqala lapho abayakhona ukuthi amathuba okudlala angakanani hatshi kudala lapho ababegijimela ubukhazikhazi beGoli.

Ephendula kulokhu uMahachi uthe: “Isimo sami sihlukile kulokhu ngoba uRulani (Mokoena) nguye obengifuna futhi lokhu ngikwazi ngoba langesikhathi esekuSundowns ubehlezi njalo ekulwela ukuthi anginikezwe ithuba.”

UMahachi uyinsika laseqenjni lesizwe laseZimbabwe elibophele uWillard Katsande, Khama Billiat, Knowledge Musona loTendai Ndoro ukukha nje phezulu.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds