Iphinda umphehlo Intwasa

28 Dec, 2017 - 01:12 0 Views
Iphinda umphehlo Intwasa uRaisedon Baya

uMthunywa

Arnold Ndlovu
ABALANDELI bomculo labathanda ezokulingisa edolobheni lakoBulawayo bazilungiselela ukuyaphinda umphehlo ngemva kokusungulwa kwe-Intwasa Extra.

Umkhosi we-Intwasa Extra uzaqhutshwa khonapha koBulawayo kusukela mhlaka 28 kusiya ku-31 Mpalakazi.

Ngesikhathi lapho abanengi besithi Intwasa isisiya emaphethelweni ayo, ngoba umkhosi walonyaka oqhutshwe ngenyanga kaMpandula awuzange udonse abantu abanengi njengaseminyakeni edluleyo, abaqoqi bomkhosi lo sebekhethe ukutshintsha ukwenza bazame eyinye indlela ngokwenza iNtwasa Extra.

Indikimba yomkhosi lo ithi “Celebrating a New Era” okutshengisela ukuthi ukuphathwa kwe-Intwasa sokuzatshitsha kungene endleleni eyehlukene lekade behamba ngayo.

Umkhosi lo uzahlanganisa abaculi abatshiyeneyo abazabe bejabulisa uzulu endaweni ezehlukeneyo edolobheni lakoBulawayo.

UMthunywa uxhumane lomunye wabahleli balo umkhosi uNkululeko Nkala wathi uzulu alindele indaba ezimnandi emkhosini lo wabuya wathi kuzabe kulabaculi abavela endaweni ezehlukeneyo emkhosini lo.

“Ngikhuthaza uzulu ukuthi alindele indaba ezimnandi emkhosini lo ngoba abaculi bazabe beveza amathalenta abo emphakathini. Ngokunjalo umkhosi lo uzaqhutshelwa endaweni ezigoqela iBulawayo Theatre, Bulawayo Art Gallery kanye leBulawayo City Hall,” kutsho uNkala.

Iphephandaba liphinde lakhuluma lomunye wabahleli bomkhosi lo uRaisedon Baya othe kumkhosi lo uzulu kalindele ukubulawa zimbambo ngoba benxuse omahlekisa ukuzothokozisa abantu lokhu kulandela ukuthi ngenyanga kaMpandula babengekho.

“Omahlekisa asebazakhela amagama ngomsebenzi wabo abagoqela uCarl Joshua Nkomo, Doc Vikela, Mandla Da Comic kanye lomahlekisa oseke wathola izicoco uNtando Van Moyo bazabulala abantu ngembambo ngelanga eliyabe libizwa, “Night of Great Comedy,” kutsho uBaya.

Ugcizelele ngokuthi okunye abantu abangakulindela lilanga labesifazana eselijwayelelike emkhosini lo lapho okuyabe kuhlangene khona imbongi zesifazana ezivelela endaweni ezitshiyeneyo zelizwe.

“Ilanga lezimbongi zesifazana lilanga elikhulu kumkhosi we-Intwasa, ilanga leli elibizwa ngokuthi Women, Wine &Words lizabakhona mhlaka 31 Mpalakazi eBulawayo Theatre khathesi sizabe sinxuse uTariro NeGitare, osakhulayo uThandy Dhlana-Jele lembongi evelela eHarare uBlack Pearl,” kuphetha uBaya.

 

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds