Ibutha zonke inkezo iBulawayo Chiefs

Ibutha zonke inkezo iBulawayo Chiefs

0 66

Arnold Ndlovu
UMNYAKA ka2017 ngumnyaka ozahlala njengomnyaka omuhle eqenjini lebhola lenyawo iBulawayo Chiefs ngoba benqobe inkezo ezintathu.

Iqembu laMakhosi ngokwaziwa kwalo lonyaka lenelise ukuthi lidlale kakuhle iligi phose iphele lidliwe liqembu elilodwa nje, okuyinto enhle ngoba ukudlala kwabo kwabangela ukuthi benqobe inkezo yeligi ka-Division One umnyaka ungakapheli lokuphela kusasele eminye imidlalo.

Ukunqoba kweqembu leli iligi kaDivision One kubaphe ithuba lokuthi ngomnyaka ozayo bazithole sebedlala kuligi enkulu eyePSL.

Ngemva kokunqoba kuligi bangena kumncintiswano weJoshua Mgqabuko Nkomo Cup, kumncintiswano lo kwakugijima amaqembu ayisitshiyangalombili njalo bacina sebezitshantshu zakhona.

Besuka lapho bangena komunye umncintiswano oweJohn Landa Nkomo abadlale kuhle kuwo baze bacina sebethethe inkezo yakhona. Iqembu lamakhosi leli liphethe umnyaka lilenkezo ezintathu.

Ngenxa kokudlala kuhle kwabadlali beqembu leli kuviki ephelileyo kulabadlali beqembu leli abahlanu abayingxenye yekhalenda yabadlali abalitshumi lanye abadlale kuhle kuligi kaDivision One. Lesicoco somdlali odlule bonke kanye lomqeqetshi odlule bonke bakhethwe kuleliqembu.

Ekhuluma loMthunywa unobhala jikelele weqembu leli uDumisani Sibanda uthe okwenziwe liqembu labo lonyaka kuhle ngoba imincitwiswano yonke akade bengena kuyo baphume benqobile.

“Kube ngumnyaka omuhle kuqembu lethu ngoba kusetshenzwe nzima okucine kubangela ukuthi sinqobe sithathe inkezo zonke akade zikhona kuDivision One.

“Ngokunqoba esikwenzileyo lokhu njengeqembu sibone kungcono ukuthi ngomnyaka ozayo siyegijima kuPSL ngoba lapha ebesikhona sesenze konke sesidlulela phambili,” kuphetha uSibanda.

SIMILAR ARTICLES

NO COMMENTS

Leave a Reply