uMthunywa
Arnold Ndlovu
UMNCINTISWANO wezikolo zonke zemfundo yaphansi kuleli womgido wamasiko iJikinya Festival uzenziwa kusasa e-Amphitheatre koBulawayo.
INational Arts Council of Zimbabwe (NACZ) leNational Association of Primary Heads (Naph) ziveze ukuthi umkhosi lo uzadibanisa izikolo zonke ezaba zintshantshu ezigabeni zazo.
Umkhosi weJikinya Festival usekelwa yinkampani yeDelta Corporation.
Umcimbi lo, wasungulwa ngenhloso yokuvuselela ezamasiko ebantwaneni abasakhulayo njalo lonyaka izakwenziwa ngaphansi kwendikimba ethi: “Sijabulela iZimbabwe ngemigido (Celebrating Zimbabwe Through Dance)”.
Ekhuluma loMthunywa uCatherine Mthombeni omele uMaqhuzu obona ngokukhitshwa kwembiko ku-Jikinya Festival uthe emncintwiswaneni walonyaka banxuse abeNational Arts Council of Zambia ukuthi bazobona amasiko akuleli.
“Thina njengeJikinya Festival sibone kukuhle ukuthi sinxuse abe Zambia ukuthi babuye elizweni kulsandulela isivumelwano esizabalaso maduze nje. Ukubuya kwabavelela eZambia kuzaba yindlela yokuthi sibonisane labo ngezamasiko lokuthi bethole ithuba lokuzobona ezamasiko akuleli,
Uqhubekele phambili uMthombeni esithi njengenhlanganiso ethuthukisa ezamasiko lonyaka bakhuthaza abagiya okwesintu ukuthi batshengise ikhono labo lokugida ngomgido othandwa yibo lokuba lonyaka umgido wemncintwisano leyi ngumchongoyo.
“Lonyaka kumncintwisano wezikolo zizavunyelwa ukutshengisela ikhono labo ngokugida umgido wamasiko okhethwe yinhlanganiso leyi umgido womuchongoyo. Siyi-Jikinya sikhuthaza abafundi lomphakathi ukuthi indaba zamasiko zithathelwe phezulu zikhathi zonke,” kutsho uMthombeni.
