Uyasazi na isiNdebele? Zihlole

23 Nov, 2017 - 02:11 0 Views
Uyasazi na isiNdebele? Zihlole Imihloliso

uMthunywa

LINJANI bafundi inengi lenu seliqedile ukubhala imihloliso. Nanka amabala obekumele uwakhethe awezenzo ezitshiyeneyo.

1.    udabule
2.    beluka
3.    ulungisa
4.    wenza
5.    ugola
6.    beluka
7.    ufunza
8.    ngezangelo
9.     ugeca
10.    bacutha

Kule iviki sizakhangela isifundo sethu sigxile kusihloko esithi “Ukuhlonipha.” Ikhefu lokuvalwa kwezikolo selisondele sizabe sesitshona labantu abanengi abagoqela abadala labancane.

Kuyadingeka bafundi ukuba sibahloniphe kungakhathalekile ukuba lowomuntu mkhulu noma mncane kulawe. Bafundi nxa sihlangana labantu abadala kasibakhulumiseni sitshengise inhlonipho. Lina majaha ingwane iyakhitshwa nxa ukhuluma lomuntu omdala kunjalo lanxa liphakathi kwendlu kumbe nxa lisidla.

Kakutshaywa umlozwi endlini njalo. Nxa liqhubela abantu abadala ulutho viyocani kumbe liguqe. Kuthi abafana bona kumele baqotshame. Akutsho ukuthi amagama la angaphansi atshengisa inhlonipho izenzo ziphi.

Isibonelo:
1. Uyakhipha: Lapha siyabe sisitsho umuntu ohlanzayo kumbe okhipha ukudla ngomlomo.
2. Uyaphosisa: …………………………………………….
3. Uyelahla amanzi: …………………………………….
4. Ukuyangaphandle noma ukuya endlini encane: …………………………………………………………..
5. Umphumelo: …………………………………………..
6. Umthambiso: ………………………………………….
Kasidibaneni njalo bafundi kuviki ezayo sihlolana ukuze sibone ukuba siyasazi na isiNtu sethu.

Bafundi thumelani impendulo zenu kunombolo lezi 0773675473 ngeWhatsApp loba ngeSMS. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo. Thumela njalo lomfanekiso wakho. Kuphephandaba lakuviki ezayo sizafaka impendulo zakho kanye lezithombe zenu.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds