Uncategorized

UMBONO WOMTHUNYWA: Sikhathele ngabaphurofethi bamanga

23 Nov, 2017 - 02:11 0 Views
UMBONO WOMTHUNYWA: Sikhathele ngabaphurofethi bamanga

uMthunywa

KAMBE ngabe sokuzinsuku zokucina sibili yini ngabaphrofethi laba esibabona kulezinsuku abasenzela iziga ezitshiya abantu bebambe eyangaphansi bengela nkani. Latsho ibhayibhiyili ukuthi sizahlangana labo abaphrofethi bamanga besiza ngebizo lika Nkulunkulu, manje abantu abanengi abazihlupekelayo ngeke bakuna sikunanzelele lokhu okuqakathekileyo yikuthi siyabe sithenjiswe izulu lomhlaba uhle ubambe iqhude lakho olithembileyo emzini wakho, endlini utshiya kungelasitshebo susiyageziswa umnyama ehlathini phela.

Thina sasisazi ukuthi abaphurofethi ngabantu abangcwele abacela amandla enkosini kodwa lamuhla sekutshintshile abanye sebedinga lawo mandla ngendlela ezingazwisisekiyo. Abanye ngabatholakala belenhloko zemihlobohlobo yezinyoni esingazazi lamabizo.

Kambe abaphrofethi nxa sebeyadonsana ngamayembe bebanga indawo yokukhonzela abazalwane bathini? Loba kuthwa ngabelusi balwela amadlelo ezifuyo zabo lokhu hayi kuphambili njengesibhono. Uzatshumayela njani umphrofethi ngevangeli loxolo lothando nxa esinye isikopela sesingasekho sesikhutshwe abantu besilwa?

Ezinye indawo zokukhonzela seziphenduke zaba zindawo zokunathisana utshwala kuthiwa butshwala obungcwele, kambe shuwa ususiya ngaphi lumhlaba webantu!! Abangabunathiyo phela bayahle badakwe bangasalizwa lelizwi lenkosi abalisukumele ezindlini zabo.

Abazalwane abanengi ubathola besithi bona abadli amacimbi lenyama yengulube ngoba kulamadimoni, kodwa isimanga uthola abantu abadala befolile enkonzweni bedliswa amaluba ayiphoyizeni abangakwazi lamabizo awo.

Kumbe kulungiselwa uNebhukhadineza yini.Bakithi asiqapheleni abaphrofethi laba  abasidukisayo.

Thina besazi ukuthi odinga uNkulunkulu uyaguqa phansi akhuleke ngoba lalo ibhayibhili liyatsho ukuthi cela uzaphiwa nqonqotha uzavulelwa ngoba akekho owake wathi ecela isinkwa kubaba aphiwe amatshe. Lamuhla sekungokunye ngoba sike sezwa ngomunye umphurofethi owatholakala encindezelwe ngamatshe ebhalwini waze wasizwa yisibhedlela esithi udinga amanye amandla ebhalwini lolu. Asazi kumbe lowo osethwala amatshe ebhalwini senguSamson yini. Akelixolele uzulu baphurofethi.

Thina besazi ukuthi bathandazeli bayakhulekisa abantu enkonzweni kodwa uzezwa sokuthwa “Mama umoya ungibonisa ingozi ezakwehlela kuliviki, nxa ungasabuyanga lamaqanda lenkukhu emnyama entabeni leyana ngelanga elinje kukhulu okuzakwehlela”.

Uzezwa sokuthwa lowo Nazibani sedlwengulwe ngulowo mphrofethi khonale ezihlaleni uzibuze ukuthi laye Nazibani lowo etshiya indlu yokukhonzela esiya ehlathini khonale bekutheni.

Konke lokhu nxa kusenzakala kuyabe kuthiwa ngumthandazo ophiwa ngumama kodwa kuguquka kube ngumthandazo okumele owesifazane awuphiwe ngumyeni wakhe kuphela.

Abanye ngabavela ezulwini basiphathele inkomitsho ele manna from heaven. Esizakubona baka Mthwakazi!!!

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds