Uncategorized

UCANSI LOMKAKHE DOLOLO! Uyaxotshwa embhedeni, Okundofa okulobukhwele kuzithaphuzele

22 Nov, 2017 - 13:11 0 Views
UCANSI LOMKAKHE DOLOLO! Uyaxotshwa embhedeni, Okundofa okulobukhwele kuzithaphuzele UFarai Munanairi lomkakhe uFortunate Matika

uMthunywa

Kingstone Mapupu
LE yimimoya sibili! Kambe uthi uzithathele intombi yakho enhle kodwa ube ususaliswa ukuya emacansini layo ngondofa abalobukhwele, zikhathi zonke nxa uthi uyamqabuza umkakho utshaywe ngondofa uze uvume.

Lokhu yikho okwenzakala kwenye indoda yesigabeni seMangwende, koMurehwa, yena othi kehlukananga lensumbelume engathathanga njengoba ondofa bemenzela ubukhwele ngoba abamvumeli ukuya emacansini lomkakhe, lapho azama khona ukwenza lokho uzwa ngempama lezibhakela lokutshaywa ngamatshe.

Ngaphandle kwalokho, undoda lo nxa esiyalala lomkakhe, engangena engutsheni ubona inkomo enkulu yona evula umnyango ingene ekamelweni labo ifike ime ibakhangele, ize iphume ngesikhathi sayo.

UFarai Munanairi (35) ohlala ngaphansi kukaSobhuku uChibvongodze, uthi wabaleka emzini wakhe lonkosikazi wakhe uFortunate Matika (20) ngenxa yokutshaywa yizinto okucatshangelwa ukuthi ngondofa. Ephahleni lwendlu yabo bezwa kujikijelwa amatshe.

“Mina ngifanana lensumbelume ngoba angenelisi ukuya emacansini lomkami, ngiyatshaywa okokuthi uyangizwela usizi. Nxa silala ebusuku nxa sengifuna ukuhlangana  lomkami, ngiyatshaywa okumangalisayo yizinto engingaziswisisiyo. Ngiyadonswa lapho engilele khona ngijikelwe phansi besengihudulelwa phansi kombheda.

“Ngibona okuyindoda okufitshane kusenza ucansi lomkami,” kutsho uMnu Munanairi.

Uthi kwesinye isikhathi kubuya amadoda amafitshane amabili angene ngamandla endlini, omunye wabo ahlangane lomkakhe.

“Kwesinye isikhathi nxa ngibona amadoda la ngiyaqaleka okokuthi angiboni okusala kusenziwa umkami.
Kubikwa izinto lezi zibathathela ngitsho lokudla nxa bengaphuza ukupheka, njalo sokubenza ukuthi bapheke masinyane ilanga lingakatshoni ngehola lesine.

“Asihlalisekanga emzini lo, sokubangele ukuthi sihlale emaqaqeni ngoba sesaba ukutshaywa. Njengami akufuni kungibona duze lomkami. Kwezinye insuku silala silambile sokusitshayile,’’ kutsho uMnu Munanairi.

Uhlupho lolu lwaqala ekupheleni komnyaka ka2016. Kwaqala ngokuqoqoda emnyango lokujikijela amatshe phezu kwendlu.

“Ngelinye ilanga umnyango wavulwa ngikhangele ngaswela ukuthi ngubani owenza lokhu. Zonke indawo esihamba kuzo bathi umkami ngumfazi wabondofa laba abangitshayayo,” kuchaza uMunanairi.

“Umkami kuthiwa uhamba lenyoka ezibunu, ayiphiwa kibo. Ulensumpa ezifuna ukuphalwa emzimbeni wakhe. Umkami kabazi abazali bakhe babhubha ezalwa,” kutsho uMunanairi.

Unkosazana Matika ugcizelele ukuthi umkakhe uyaphoselwa phansi ondofa laba basale bemhlukuluza emacansini.

“Kubuya indoda nxa sengilungiselela ukulala, afuqele umkami khatshana abesengena yena engutsheni. Umkami uyaphela amandla enze njengomuntu oqalekileyo.

“Kuthiwa lokhu kuvela kithi ngoba kuthiwa ngiyathakatha. Ngilensumpa ezinengi lezi okuthiwa zifuna ukuqunywa,” kutsho uNkszn Matika.

Umama lo uqhubekele phambili wathi: “Kuthiwa ngaphiwa indoda engundofa ukwenzela ukuthi ngingahlangani lomkami. Konke esihamba khona ngibanjwa ukuthi ngilenyoka kodwa mina angiyiboni.

“Sengiswele kasithupha. Olunye uhlupho sizwa umsindo omkhulu wabantu abagijima begombolozela umuzi wethu,” kutsho uNkszn Matika.

Uthi emzini wabo kungena inyoni elekhanda elifana lelikamangoye.

“Sesabaleka emzini wethu saya kumngane wethu. Ngatshela abakithi bala ukungincedisa bathi buyela kumkakho,’’ kutsho uMatika.

UNkosikazi Annah Giri ongumngane omkhulu wemuli le uthe nguye osehlala loMatika lomkakhe endlini yakhe.

“Indoda le kayisamazi umkayo, uyatshaywa hatshi mbijana nxa angazama ukumbamba. Uzabulawa yikubhaxabulwa ngondofa laba,” kuchaza uNkszn Giri.

Usobhuku wakule indawo uMnumzana Kingstone Chibvongodze uthe uMnu Munanairi kanye lonkosikazi wakhe badinga uncedo.

“Nxa bekhona abangaphathisa imuli le sicela babasize,” kutsho usobhuku lo.

Elinye ixhegu uMnumzana Jonathan Shonhiwa ekhuluma ngomhlola lo, uthe uMatika ngunkosikazi wabondofa  kumbe njalo wahanjiswa ukuyahlawula uzimu.

“Ekucineni undoda lo uzabulawa ngondofa laba ukuze basale bebethwa ngumoya lomkabo.”

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds