UGIDIZA UNGENA NGENXEBA?

UGIDIZA UNGENA NGENXEBA?

0 338
uRonald ‘Gidiza’ Sibanda

Yintatheli KaMthunywa
INHLANGANISO yeZimbabwe Football Association icine ivuma ukuthi yenze iphutha ngokuvalela phandle uRonald ‘Gidiza’ Sibanda.

IZifa isibize ingcitshi le ukuthi ibeyingxenye yalabo abazadlalela isizwe  mhla kudibana ingcitshi ezadla ubhedu kuBarcelona lalezo ezadlalela amaWarriors.

Nxa kubaliswa abadlali abadla ubhedu kumbali yethimu yesizwe uGidiza kumele abekhona ngoba akula mlandeli wenguqu ongaziyo ukuthi umdlali lo wayelethalenta elinzima.

Abadlali bakudala laba bazadlala ngeSonto eNational Sports Stadium kumdlalo okhangelelwe ukuthi ubuthanise abantu abaphuma ezigodini ezitshiyeneyo.

Inhlanganiso ephethe umdlalo wenguqu kuleli iZimbabwe Football Association isiqambe abadlali abangamatshumi amathathu lantathu abazabumba iqembu elizadlala leBarcelona.

Phakathi kwabadlali laba kulo Brena Msiska, Muzondiwa Mugadza, Gift Muzadzi, Japhet Mparutsa, Ephraim Chawanda, Engelbrecht Dinha, Charles Yohane, Dumisani Mpofu, Dezzy Kapenya, Bekhithemba Ndlovu, Innocent Chikoya, Harrington Shereni, Thulani Biya Ncube, Norman Mapeza, Kaitano Tembo, Calisto Pasuwa, Lloyd Chitembwe, Johannes Ngodzo, Kennedy Nagoli, Moses Chunga, Esrom Nyandoro, Tinashe Nengomasha, Joel Lupahla loDesmond Maringwa.

Kubagadli kukhethwe uEdward Sadomba, Agent Sawu, Zenzo Moyo, Benjani Mwaruwari, Peter Ndlovu, Madinda Ndlovu, William Mugeyi, Wilfred Mugeyi kanye lo-Ian Gorowa.

Ngokutsho kweZifa abadlali laba bazaqeqetshwa nguSunday Chidzambwa umqeqetshi osenqobe ukwedlula bonke kuleli.

Abasekeli bomqeqetshi nguRahman Gumbo loDavid Mandigora. Phakathi kwaleliqembu, iZifa iqhatshe uWalter Magaya loEnerst Maphepha Sibanda.

Ezadla ubhedu kuBarcelona ezizatshibilika eHarare zibalisa uDeco, Simão Sabrosa (Portugal), Edmílson, Rivaldo, Giovanni Silva (Brazil), Éric Abidal, Ludovic Giuly (France), Gaizka Mendieta, Sergi Barjuán, Jesús Angoy (Spain), Gianluca Zambrotta, Francesco Coco (Italy), Edgar Davids, Patrick Kluivert (Netherlands)

Umbiko weZifa othunyelwe amaphephandaba uveza ukuba umdlalo lo oweBarcelona lengcitshi zeZimbabwe uqhutshwa lugatsha lwezemidlalo kuHulumende olukhokhelwa nguMakhosini Hlongwane.

Iqula leZimbabwe ngokupheleleyo:

Onozinti: Brena Msiska, Muzondiwa Mugadza
Gift Muzadzi, Japhet Mparutsa

Imvimbi: Ephraim Chawanda, Engelbrecht Dinha,
Charles Yohane, Dumisani Mpofu, Dezzy Kapenya, Bekhithemba Ndlovu, Innocent Chikoya, Harrington Shereni, Thulani Biya Ncube, Norman Mapeza, Kaitano Tembo

Abasesiswini: Calisto Pasuwa, Lloyd Chitembwe, Johannes Ngodzo, Kennedy Nagoli, Moses Chunga
Esrom Nyandoro, Tinashe Nengomasha, Joel Luphahla
Desmond Maringwa

Abagadli: Edward Sadomba, Agent Sawu, Zenzo Moyo, Benjani Mwaruwari, Peter Ndlovu, Madinda Ndlovu, William Mugeyi, Wilfred Mugeyi, Ian Gorowa

SIMILAR ARTICLES

0 132

0 109

NO COMMENTS

Leave a Reply