uMthunywa
NGEVIKI edluleyo besikhangele amanzi alezimo ezehlukeneyo aphuma emzimbeni womuntu. Nanzi impendulo ebesizikhangelele:
a. zinyembezi
b. ngamathe
c. ngamakhovula
d. izithukuthuku
e. zindenda
f. yintolo
g. lubomvu/bubomvu
h. luchago
i. ligazi
j. ngumungula
Esintwini kumbe singathi izolo abadala bebelayo indlela yabo ekhaliphileyo okwamagama ebisetshenziswa ukukhuza kanye lokuxwayisa abantwana labasakhulayo jikelele nje. Izixwayiso lezi zazisenzelwa njalo ukufundisa abantwana inhlonipho lokuziphatha. Zazibethusa ukuze labo bangafisi ukungena kuleyongozi ngakho babelandela izixwayiso ngokuqiniseka.
Nanzi ezinye izixwayiso, zama ukutsho ukuthi kwakusenzelwani njengalapha:
1. Kuyazila ukugiga ingiga ingelalutho, unyoko uzabulawa liqolo — lapha kwakusesatshelwa ukuthi ungacezula ingiga.
2. Ungahlali elitsheni lokucholela uzafelwa ngumfazi kumbe yindoda — lapha ……………………………………………………………………………….
3. Ungatshayi omunye ngomthanyelo uzacaka — lapha ……………………………………………
4. Ungabokweqa unyoko uzahamba usiwa — lapha ………………………………………………………..
5. Ungahlali phezu kwamaseko uzafelwa yindoda kumbe ngumfazi — lapha …………………………………………………………………………………
6. Ungaze wahamba nyovane unyoko uzawela esigxingini — lapha ……………………….
Bafundi thumelani impendulo zenu kunombolo lezi 0773675473 ngeWhatsApp loba ngeSMS. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo.
Thumela njalo lomfanekiso wakho. Kuphephandaba lakuviki ezayo sizafaka impendulo kanye lezithombe zenu.
