Uncategorized

Abaphurofethi bathembisana ukubulalana bebanga inhlane

05 Oct, 2017 - 02:10 0 Views

uMthunywa

Gladmore Ncube
KUTHUNQE uthuli lothudlana entabeni eseMakhandeni edolobheni lakoBulawayo lapho abaphurofethi abathathu abavoxane bebanga indawo yokukhonzela baze bathembisana ukubulalana, uMthunywa uyakuveza lokhu lamhlanje.

Impi le yenzakale kuviki ephelileyo lapho uMnumzana Njabulo Ngwenya, uMnumzana Promise Mabhena kanye loMnumzana Vincent Mpofu abangabaphurofethi, ababhuqane khona bebanga indawo yokukhonzela qede bathembisana ukubulalana.

Kuzwakale ukuthi abaphurofethi laba babekhonza ndawonye  andubana baxabane uNgwenya usevule elakhe ibandla kodwa ekhonzela entabeni le.

Ebuzwa ngale indaba uMnu Ngwenya uthe ababili laba bahlala bephazamisa ibandla lakhe njalo bamthembisa ukumbulala.

“UMabhena loMpofu sasikhonza sonke ngasengivula elami ibandla kodwa bahlala bebuya ngesikhathi sokukhonza bezodala ingxabano ebandleni bengithuka. Okunye njalo bahlala bethembisa ukungibulala ngomoya wobuphurofethi, asazi ukuthi bafuna ngenzeni kodwa yimi engaqalisa ukukhonzela lapha ngomnyaka ka2000,” kutsho uMnu Ngwenya.

UMnu Mpofu uthe yibo abaqalisa ukukhonzela kule indawo. “Mina loMabhena yithi esaqalisa ukuvula inhlane entabeni le, uNgwenya wasithola sikhonza lapha. Okwenza saxabana laye yikuthi wayesehlala ephurofetha abantu ebathuka. Kuthe kunjalo samkhuza ukuthi engakwenzi lokhu, wahle wasuka labanye abazalwane babumba elabo ibandla kungakho bakhonzela eceleni kwelethu okuyikho okwadala ukuthi simxotshe wasesala. Kufanele asuke sibili ngoba indawo le kayisiyo yakhe,” kuchaza uMnu Mpofu.

Imizamo yokukhulumisana loMnu Mabhena yehlule ngoba ucingo lwakhe lwalile ukungena.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds