Uncategorized

Ulabondofa abangu-19 owabulala umntaka-makhelwane

05 Oct, 2017 - 02:10 0 Views
Ulabondofa abangu-19 owabulala umntaka-makhelwane

uMthunywa

Cornelius Luphahla
ZISELE ziphethe izibindi ngezandla izakhamizi zesigabeni seChipale eBinga ngemva kokuba enye indoda yakule indawo ibikele uzulu ukuthi yiyo eyabulala umntakamakhelwane wayo yamfaka esiphaleni andubana iveze ukuthi ilabondofa abangu-19.

Insindabaphenduli le yenzakale ngoMgqibelo kuviki ephelileyo.

Kuzwakale ukuba uBaza Dube uveze ukuthi nguye owabulala umntakamakhelwane wakhe, uJacob Mudenda ngemva kokuhlahlulwa yinyanga eyaziwa ngokuthi nguZariro.

Kubikwa uDube waphiwa amalahle ukuba awaphathe ngemva kwalokho abonakala esevutha amalangabi omlilo ezandleni qede wezwakala esesithi nguye owabulala umntakaMnu Mudenda.

UMthunywa uxhumane loMnumzana Felix Ndlovu oyisakhamuzi sakule indawo walandisa ngendaba le ethi kalankani ngakubonayo.

“Kwathi ngemva kokubhubha kukamntakaMudenda wasebiza inyanga uZarira. Kuthe kunjalo usobhuku wabiza abantu bonke bazohlolwa yinyanga le. Ekuhlolweni lapha yayikubambisa amalahle angelamlilo ube ususedlula.

“Kwathi ngesikhathi sokufike uDube wawabamba amalahle la kwalavuka amalangabi omlilo watsha izandla wamemeza ebikela abantu ukuthi nguye owabulala umntakaMudenda njalo ulabondofa abangu-19. Lokhu kwangethusa kakhulu ngakholwa sibili ukuthi abantu bagangile phandle lapha,” kuchaza uMnu Ndlovu.

UMnu Mudenda ebuzwa ngale indaba uvumile ukuthi yenzakala wathi kodwa uzwa ubuhlungu ngokufelwa ngumntanakhe njalo ufuna ukuthi uDube amhlawule.

“Kuliqiniso sibili ukuthi umntanami wabulawa nguDube ngabiza inyanga wazikhulumela ukuthi nguye owakwenzayo lokhu. Ngokunjalo khathesi silindele ukuthi indaba le iyethoniswa kosobhuku ngoba ngifuna angihlawule sibili abuye ahlawule inyanga eyamenza wakukhuluma lokhu,” kutsho uMnu Mudenda.

Ebuzwa ngale indaba uMnu Dube uthe yena kakwazi ukuthi kwahamba njani wazibona esesitsha kuphela.

“Mina kangikwazi ukuthi kwahamba njani kodwa ngazibona sengisitsha izandla ngaze ngayabikela amapholisa athi ngibuyele ngiyekhulumisana loMudenda. Ngikhuluma nje lakhathesi ngilimele izandla ngenxa yokutsha,” kutsho uMnu Dube.

Imizamo yokukhulumisana lenyanga uZariro yehlule ngoba ucingo lwakhe lungangeni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds