uMthunywa
YiNtatheli kaMthunywa
SEKUSELE amalanga ambalwa ukuthi idolobho lakoBulawayo liqhube imidlalo yomncintiswano wenguqu yamantombazana eyenkezo yeCosafa.
Amazwe alitshumi lambili azethekelela koNtuthu kusukela ngeviki ezayo kulindwe ukuqala kwemidlalo mhlaka 13 kusiya kumhlaka 24 enkundleni zeLuveve, eWhite City laseBarbourfields.
Iqembu lamaMighty Warriors selingene enkambeni yokulolonga njalo umqeqetshi wawo, uSithethelelwe ‘Kwinji 15’ Sibanda ubike ukuba uselungise amantombazana akhe aphelela.
“Siqhuba kuhle njengoba umncintiswano ususondele. Siwulindele njalo silolonge ngendlela engibona angathi izakhipha impumela enhle,” kutsho lumqeqetshi ekhuluma loMthunywa ngoLwesithathu.
Ithemba lesizwe liphethwe ngumqeqetshi kukhangelelwe ukuthi amaMighty Warriors ayivikele inkezo yeCosafa egumeni lawo.
Ubungcitshi bomqeqetshi abuthandabuzwa njalo imidlalo yeCosafa izamfaka egcekeni kuhlolisiswa ukuthi uwupheka njani umdlalo kanobhutshuzwayo.
USibanda ngumqeqetshi wakuqala owesifazane ukuthola isithupha saphezulu kumbali yenguqu kuleli.
Kumasizini amabili adluleyo uSibanda ubengumsekeli kamqeqetshi weTsholotsho FC, umsebenzi awenza kuhle engalakwesaba.
AmaMighty Warriors afakwe kuqembu elilamazwe abalisa iMadagascar, Malawi leZambia.
Kuqula lesibili kuzadlala iMauritius, Mozambique, Swaziland lamantombazana eKenya. Isizwe esandise ukuhlupha amaMighty Warriors eseSouth Africa sizadlala kuqula lesithathu elileBotswana, Lesotho leNamibia.
IZimbabwe yanqoba umqhudelwano lo ngo-2011. IBanyana Banyana seyakhokhela kathathu ngo-2002, 2006 lango-2008.
Uhlelo lwamaqembu azancintisa ku-2017 Cosafa Women’s Championship:
Iqula lika-A: (Zimbabwe, Zambia, Madagascar, Malawi)
Iqula lika-B: (Kenya, Mauritius, Mozambique, Swaziland)
lqula lika-C: (South Africa, Namibia, Lesotho, Botswana)
Ukuma kwemidlalo:
13 Mapndula: (Barbourfields Stadium) 10h30 — Namibia vs Botswana, 14h00 Zambia vs Malawi, 16h30 Zimbabwe vs Madagascar
14 Mpandula: (Luveve Stadium)
10h30 Mauritius v Swaziland
14h00 Kenya v Mozambique
16h30 South Africa v Lesotho
15 Mpandula: (Barbourfields Stadium)
10h30 Madagascar vs Malawi
14h00 South Africa vs Namibia
16h30 Zimbabwe vs Zambia
16 Mpandula: (Luveve Stadium)
10h30 Kenya vs Mauritius
14h00 Lesotho vs Botswana
16h30 Mozambique vs Swaziland
17 Mpandula: (Barbourfields Stadium)
10h30 Zambia vs Madagascar
14h00 Zimbabwe vs Malawi
16h30 South Africa vs Botswana
18 Mpandula: (Luveve Stadium)
10h30 Namibia vs Lesotho
14h00 Mauritius vs Mozambique
16h30 Kenya vs Swaziland