Uzaphenduka uHadebe

Uzaphenduka uHadebe

0 527
Teenage Hadebe

Nkosilathi Sibanda
UMDLALI wenguqu wakuleli osetshibilika kuKaizer Chiefs uTeenage Hadebe ulethemba lokuthi uzaphangisa ukubuyela eqenjini njalo ubike ukuthi ukulimala kwakhe angeke kumphambanise.

UHadebe ufike eqenjini leSouth Africa leli ngokuqhuzuka ingqagala okwenze wehluleka ukuqalisa eqenjini ngoba odokotela bekubona ukuthi ulimele. Okwamanje lumdlali uhamba ngezigodo.

Ungene kuMakhosi ngoNhlangula evela kuChicken Inn yakuleli. Andubana asayinwe yileliqembu uHadebe ubefunwa ngamanye amaqembu kuleli kodwa iKazier Chiefs yahamba phambili ngemali. Umdlali lo ubikele uMthunywa ukuba uzizwa esengcono njalo ukhulekela ukuthi ngesikhathi esifitshane alungele ukudlala labanye bakhe.

“Ngizaphenduka ngesikhathi esifitshane. Kuyisifiso sami ukuthi ngidlale isizini ingakayindawo. Okuthabisayo yikuthi lomzimba wami usungcono, ukulimala lokhu akusoze kungiphazamise,” kutsho lumdlali.

UEdmore Chirambadare ongomunye wabadlali abasuka kuChicken Inn besiya kuKaizer Chiefs wethule amazwi wokufisela uHadebe ukuthi aphange ukusila.

“UTeenage ngumdlali esimaziyo sonke ukuthi ulethuba elihle lapha kuKaizer Chiefs. Simfisela ukuthi aphangise ukusila, angene enkundleni,” kutsho uChirambadare ebuzwa ebulenjini bukaFacebook kuliviki.

Kusenjalo, ekhuluma lentatheli umqeqetshi weKaizer Chiefs uSteve Komphela uthe uHadebe usehlelweni lwakhe ngoba ungomunye wabadlali abathembileyo kulisizini.

SIMILAR ARTICLES

NO COMMENTS

Leave a Reply