uMthunywa
UMBIKO wokuthi umdlali oyingcitshi ngokuhlohla uKhama Billiat usetshiya kuMmelodi Sundowns azimethusi ngitsho uPitso Motsimane.
Umqeqetshi weMamelodi Sundowns lo ukholelwa ukuthi basangasibuyisa isicoco se-Absa Premiership esithathwe yiBidvest Wits ngesizini edluleyo.
Bekuyimpi yababili phakathi kuka kukaMosimane lomqeqetshi weWits uGavin Hunt ngesizini edluleyo, kodwa ekucineni amaClever Boys aphetha ngokusithatha okokuqala ngqa isicoco.
Ngesikhathi iKaizer Chiefs ithatha isicoco seligi ngesizini ka-2014/2015, uMosimane wathembisa ngokuthi bazosibuyisa, langempela bakwenza lokho.
“Sihlale sizitshela ukuthi singasibuyisa [isicoco]. Sihlale sizitshela lokuthi singakwazi ukusivikela, kodwa sehlulekile ukwenza lokho ngesizini edluleyo. Ngicabanga ukuthi kodwa kuzomele sincome iWits ngoba yalwa kanzima ukuze isithathe,” kutsho uMosimane.
Ngemuva kokukhitshwa yiMaritzburg United emqhudelwaneni weMTN8 ngempelaviki, uMosimane uvumile ukuthi amaqembu amancane azowathwalisa kanzima amaqembu amakhulu kulisizini.
Lomqeqetshi weKaizer Chiefs uSteve ubike ukuba ulamabhadi nankoAmakhosi aqede amasizini amabili elandelana enganqobi lutho ngaphansi kwakhe.
IChiefs yacina ukuphakamisa isicoco ngo-2014 kusekhona uStuart Baxter osecija iBafana Bafana.
Ebuzwa uKomphela ukuthi usazibona kumfanele ukuqhubeka nomsebenzi wokucija Amakhosi, uthe akazimiselanga ukutshiya.
“Umsebenzi wethu yikusebenza ngabantu. Ngifisa ukuphendula ngendlela ebesikhuluma ngayo eceleni kodwa angikwazi ukuphendula ngayo esidlangalaleni. Njengoba u-Eric (Tinkler ocija iSuperSport) etshilo kuba nzima ukuqhubekela phambili uma ungayitholi impumela emihle.
“Mayelana lami ngokuqhubeka ngomsebenzi wethu ngeke ngigxile kakhulu kimi. KuChiefs akukho ngami kuphela ngoba silenqwaba yabantu abalandela iqembu,” kutsho uKomphela. — Ubulembu
