Izikolo zePlumtree zifuna iligi

03 Aug, 2017 - 02:08 0 Views
Izikolo zePlumtree zifuna iligi

uMthunywa

AMATHIMU enguqu ezikolo zePlumtree labalandeli bomdlalo bawelwe lithendele emagumeni nanko inkokheli zomdlalo kulindawo kubikwa sezibophe inyathelo lokubumba iligi ezwayo ezadlalelwa yizikolo ezizimiseleyo.

Iligi le ikhangelelwe ukuba lamathimu afika itshumi lesithupha. Inkokheli zemidlalo kulindawo zamukele ukuncintisana kwamaqembu ezikolo kuziqinti zonke zePlumtree,  zathi kuyisiqalo sokubumba iligi ezathola usekelo kungatsha zonke ezisebenzelana lenhlanganiso zenguqu kuleli.

Kubikwa kuzakuba lomhlangano wokwamukela iligi le nxa sekuthwe kwalungisiswa konke okufunakalayo.

Amaqembu akulumango kubikwa aphose isikhalazo sokuba abadlali lenkokheli zifundiswe ngemithetho yenguqu lezifundo zeFifa Principles of Competition and Statutes and Rules okubikwa zandise ukuphica inengi lenkokheli zamaligi enguqu.

Omunye walabo abaphose umbono wokusungulwa kweligi ezwayo ePlumtree uPaul Ndlovu uthe sebenze imihlangano bexoxa ngaloludaba.

“Inhloso yethu yikuphakamisa umdlalo wenguqu ezikolo. Sinanzelele ukuthi izikolo zethu zincintisa kanye ngomnyaka ngethemu yesibili. Isikhathi lesi sincinyane. Ithalenta labantwabethu kumele lisekelwe ngakho sibona angathi iligi yezikolo le izaphathisa kakhulu.”

UNdlovu uthe anduba benze okunengi, kuzaqhutshwa umhlangano labaphathi bezikolo ngaphansi kwenhlanganiso yeNational Association of Secondary Heads (Nash)  leyeNational Association of Primary Heads (Naph).

Inyathelo lezikolo leli liza ngemva kokuba kuminyaka edluleyo amaqembu amakhulu ePlumtree abumba iligi ebizwa ngokuthi yiBhudile lapho okwakulamaqembu abalisa Magwala FC, Hingwe FC, NRZ Tigers, Plumtree FC leKombani Africa.

Iligi le yayigoqela amathimu enguqu aseBulilima, eMangwe lasenzikini yePlumtree.

Ngalowomnyaka, amathimu la anxusa usaziwayo kwezenguqu umaqhuzu wePremier Soccer League uKennedy Ndebele loNdumiso Gumede ukuthi bacebise ngokuqhutshwa kwemidlalo yeligi.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds