UKingston uncoma iCoca-Cola ‘. . . Abadlali benguqu abahlakaniphe’

27 Jul, 2017 - 06:07 0 Views

uMthunywa

YiNtatheli kaMthunywa
OWAKE wadla ubhedu esadlalela iqembu le-AmaZulu lamaWarriors uKingston Rinomota sekhuthaze abadlali ukuthi bahlose ukuthuthukisa ubungcitshi babo ukuze bathole amathuba okudlalela amaligi aphezulu.

URinomota ukhulume lokhu encoma indlela umncintiswano weCopa Coca-Cola oqhube ngayo edolobheni leBindura ngempelaviki edluleyo. Imidlalo yalinkezo iqhutshelwe esikolo seChipindura High lapho okuncintise khona abafana.

Amaqembu amankazana adibane enkundleni zesikolo seHerman Gmeiner.

URinomota, owazakhela ibizo ekoBulawayo, ngesikhathi iqembu le AmaZulu libusa kuligi ephakemeyo, uthe abadlali abasacathula kumele bazi ukuthi ikusasa limi njani.

Imidlalo yeCopa Coca-Cola idlalelwa ngabadlali abaleminyaka engaphansi kwelitshumi lanhlanu yokuzalwa.

“Kuqakathekile ukuthi abadlali bavuse ingqondo baphakamise indlela abadlala ngayo ukuze baphumelele kunguqu.Kuyaziwa ukuthi iminyaka yokudlala ibhola milutshwana ngakho nxa umdlali engekela ukuhlakanipha angazibona esehlezi phansi.

“Esikukhuthaza abadlali kanye labaqeqetshi yikuthi baphakamise amathalenta abo benelise ukudlala kumaligi aphezulu kulawo esilawo eZimbabwe,” kutsho uRinomota.

Unike umzekeliso wabadlali asebephumelele ngokudlala inguqu phetsheya kwesizwe ababalisa uBenjani Mwaruwari, uPeter Ndlovu, uOvidy Karuru, uVusa Nyoni, uEsrom Nyandoro labanye.

Umqeqetshi kuzwa kunguqu uPatson Ndabambi obengomunye wabahlonitshwa kumkhosi weCopa Coca-Cola uthe abadlali abasakhulayo abaphuphe ukuya emazweni.

“Ukuthengwa phetsheya kulinyathelo elihle, kuyaphakamisa abadlali bethu kanye leligi yakithi. Abadlali bethu abanengi sebechaphela eGoli ngoba kithi akula mathuba njalo imali incinyane. Inguqu yethu isingeyabafana abadlala isizini eyodwa bahambe,” kutsho omunye usaziwayo ongumqeqetshi uNdabambi.

Amathimu amanengi kweleSouth Africa kubikwa ayasuthiseka ngabadlali bakuleli. Lokhu kubonakale ngabadlali abanengi abanxuswa ngabaqeqetshi bamathimu eligi yeAbsa.

Umaneja weqembu leKaizer Chiefs uBobby Mutaung wake wabika kumaphephandaba esithi iqembu lakhe libona ikusasa enhle nxa lilabadlali  beZimbabwe abatshisayo.

“Iligi yeZimbabwe siyayilandela kakhulu. Silenhloso yokuthi sibelekusasa enhle kunguqu. Abadlali abalobungcintshi abaphuma eZimbabwe lakwamanye amazwe bayikusasa yethu.”

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds