Asithuthukiseni ulimi lwethu

21 Jul, 2017 - 04:07 0 Views

uMthunywa

SIYAQHUBEKA ngezimo ezitshiyeneyo sinanzelela isifuyo senkomo.

(c) Inkomo yohlanga
Inkomo le iphuma phakathi kwenkomo zamalobolo, ngephiwa unina wentombi ngendlela yokubonga lokuqakathekisa indima ayidlalayo ekukhuliseni intombi yakhe. Ngezikhathi ezinengi ibuya vele isiqanjiwe ukuthi nanso emele leso simo.Ibizwa ngelomhlanga nje kuthathelwa emhlangeni okwakuphoziswa ngawo abantwana beselatshwa umkhuhlane wengubhane, ngeyokubonga njalo umsebenzi omkhulu owawusenziwa ngumama ukuyelapha ngesikhathi iphathekile.

Ngesintu nxa kwakusabiwa ilifa inkomo zohlanga zazingabalelwa kwezabiwayo nxa umnikazi wazo esaphila.

(d) Inkomo yamabheka
Kwakuthi lapho umkhwenyana ekhupha inkomo zamalobolo phezu kwenani ayelibizelwe wayekhupha eyodwa, le okwakuthiwa ngeyokucela umlamu. Nxa umkhwenyana lo ethandwa lapha ekhaya inkomo le babeyemukela kodwa nxa kungulowo ozondwayo yayingemukelwa inkomo leyo, yayibiselwa emuva.

Ngenkomo le umkhwenyana uyabe esithi loba kungenzakalani ngomkakhe uzimisele ukuphenduka lapha ekhaya ukuze athole umlamu, lapha kwakungaba yikubhubha kwenkosikazi kumbe ukuswela inzalo umlamu kube nguye-ke ozavusa maseko.

(d) Ibele lomntwana
Umhlobo lo wenkomo ukhutshwa ngumkhwenyana isiya kwabozala. Lokhu kwenzelwa ukuthi bayesengela umntwana ogcinwa lapho okuzalwa khona unina. Kwakwande ukuthi lokhu kwenzeke nxa unina womntwana ethe wabhubha watshiya usane, insengwa yiyo inkomo ehanjiswayo kusenzelwa ukusengela lolo sane.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds