Ukwakhiwa kwamabizonto

21 Jul, 2017 - 04:07 0 Views

uMthunywa

Zinengi indlela zokwakha la amabizo. Nanzi ezijayelekileyo:

1. Hamba – uhambo; hleka – uhleko, thenga – intengo, bopha – isibopho, hlala – inhlalo.

u + hamb(a) + o > uhambo; in + hlal(a) + o > inhlalo, isi + boph(a) + o > isibopho.

Lokhu kutshengisa ukuthi amabizonto angakhiwa ezenzweni ngokususa unkamisa wokucina wesenzo, esikhundleni sakhe sijobelele u – o, sibe sesiqalisa ngesiqalo sebizo esifaneleyo.

2. themba > ithemba, lima – ilima, hlola – umhlola, i + themba > ithemba, um + hlola > umhlola. La ngamabizonto akhiwa ezenzweni kodwa unkamisa wokucina wesenzo angaguquki njalo kungajotshelelwa, kodwa kuqaliswe ngesiqalo sebizo esifaneleyo.

3. Akhona amabizonto athathelwa kwamanye amabizo ngokusebenzisa isiqalo sesinye isigaba, isibonelo: 7 lo 14.

Amabizo la andise ukukhomba indlela yokwenza ulutho loba umkhuba.: umuntu > isintu,ubuntu, ikhaya > isikhaya, umlungu > isilungu.

Isi + (um)lungu > isilungu, isi + (i) > isikhaya.

4. Akhona amabizonto esigaba 14 akhiwe ngokusebenzisa isabizwana soqobo. Esabizwaneni soqobo kuqaliswa ngesiqalo sesigaba 14: mina > ubumina, khona > ubukhona.

5. Akhona awesigaba 14 athathelwa eziqwini zesiphawulo lesibaluli. Eziqwini zesiphawulo: khulu > ubukhulu, hle > ubuhle, ubu- + -nengi > ubunengi.

Eziqwini zesibaluli: -mnandi > ubumnandi, -banzi > ububanzi.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds