Inhlupho zalamuhla: Kafuni kusebenzisa ikhondomu

21 Jul, 2017 - 04:07 0 Views
Inhlupho zalamuhla: Kafuni kusebenzisa ikhondomu

uMthunywa

Kafuni kusebenzisa ikhondomu
NGINGOWESIFAZANE oleminyaka yokuzalwa engu-28, ngiphila legcikwane lengculazi. Ijaha lami alifuni ukusebenzisa ikhondomu nxa sihlangana emacansini  futhi lami ngesaba ukumtshela ngesimo sami. Ngingamtshela njani ukuthi asebenzise ijazi ukuze azivikele ngingamtheleli leligcikwane?

Impendulo:
Ukuveza isimo sakho mayelana legcikwane lengculazi yinto enzima kakhulu njalo kulengozi ukufihlela lo othandana laye isimo sakho ngoba kufaka impilo yakhe engozini. I-HIV kayisafihlwa kulezinsuku. Banengi abathandanayo abanye baze batshade lomuntu ophila legcikwane leli.

Ijaha lakho lilelungelo lokukucunukela kakhulukazi mhla lingathola ukuthi ubuqhubeka ulala lalo lingazivikelanga wena ungalazisanga ngesimo sakho. Zama ukumtshela iqiniso nxa ekuthanda lizaqhubeka lithandana.

Kangimthandi kodwa sengikhulelwe
Ngilomnyaka ngitshade lendoda ethembekileyo leqotho kodwa inkinga yikuthi angiyithandi. Ngahlangana layo ngisanda kwehlukana lendoda engangiyithanda kakhulu. Ngazwana laye ngisesikhathini esinzima ngidinga umuntu engingakhalela emahlombe akhe. Lakanye wakwenza lokho. Ngemva kwenyanga ezimbalwa wahamba ngakithi wayavela khathesi sihlala sonke njalo ngizithwele kodwa enhliziyweni yami ngiyazi ukuthi angimthandi. Khulu ngenzenjani? Sengiphelelwe ngamacebo.

Impendulo:
Isimo okuso sivamile yikho kwandise ukukhuthazwa lowo osanda kwehlukana labethandana laye ukuthi kumele alinde inhliziyo yakhe iphole andubana aqalise ukuthandana lomunye. Lokhu kwenzelwa ukuthi ungathandani lomuntu kanti uqeda ngaye ubuhlungu.

Lesi simo asisihle kuwe laye umkakho ngoba udinga umuntu omthanda ngokweqiniso. Akulula kulezi insuku ukuthola indoda ekuthandayo futhi ekuhloniphayo. Ungalahlekelwa ngolakho kusenziwa yilokho okudingayo ongakakutholi. Dinga ongakucebisa ukuze ulungise isimo phakathi kwakho lomkakho.

Kangiselayo imizwa kumkami
Nginceda Khulu kangiselayo imizwa kumkami. Angangibamba ngizwa sengathi ngiyanwayizelwa emzimbeni njalo kangisakholisi ngitsho emacansini. Khulu sekukathathu ngibamba umkami elabanye abesifazane athandana labo.

Mina ngileminyaka engu-30 yena uleminyaka engu-34, silabantwana ababili.

Impendulo
Imizwa yakho mzukulu yaqedwa yikwazi ukuthi umkakho kathembekanga emtshadweni wenu. Okungakusiza yikuthi uxoxe lomkakho ngendaba le umbonise ukuthi ukwazi iqiniso lokuthi kulabanye asethandana labo kuyakulimaza.

Khuluma laye ngokuqakatheka kokuthembana emtshadweni umkhumbuze njalo langemikhuhlane ethelelwana emacansini. Ngemva kokukhulumisana lomkakho uzame ukuxola ntombendala uzabona imizwa yakho izaphenduka.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds