Asithuthukiseni ulimi lwethu

13 Jul, 2017 - 02:07 0 Views

uMthunywa

SIYAQHUBEKA sinanzelela isibonelo senotho yabantu abansundu isifuyo senkomo esikhangelwa ngezigaba ezitshiyeneyo. Isifuyo lesi siyasetshenziswa njalo endaweni ezitshiyeneyo, lapho sisetshenziswa sibizwa ngendlela yakhona kusiya ngokuthi kwenziwani. Ngezimiso ezitshiyeneyo empilweni.

(a) Inkomo yokugcwalisa

Esintwini ukwenda komntwana oyintombazana yinto elesithunzi njalo ehloniphekayo okwamagama.Intombi nxa isike yazala ngaphambi komendo kwakuthi lapho isithole umendo nganeno ikhutshelwe inkomo yokugcwalisa, inkomo ikhutshelwa ukuthi layo ifike emzini njengentombi hatshi njengemitha ukuze phela ihlonipheke lasemendweni, kuzekuthi lengane zayo zihlonitshwe lapha ekhaya zingakhangelwa njengezimitha.

Nxa isikhutshiwe inkomo yokugcwalisa lendlalifa ayizalayo iba yindlalifa engabuzwayo lapha ekhaya. Inkomo yokugcwalisa yinkomo yokuzimazisa imitha.

(b) Inkomo zamalobolo

Inkomo lezi zikhutshwa ngowesilisa ongumkhwenyana, zisiya kwabozala kuyindlela yokuhlenga imuli yakhe, lapha kukhangelwa inkosikazi kodwa ikakhulu abantwana abazazalwa ngowesifazana lo. Nxa kulotsholwa kulotsholwa ngezinsikazi kuphela, amankomokazi asesematsha hatshi izalukazi. Phakathi kwenkomo lezi kukhangelelwe ukuthi kubelenkunzi eyodwa abanye abayibiza ngokuthi luswazi.

Labo abaqhuba inkomo zamalobolo kufanele bafike bacolwe okuyindlela yokubemukela nxa njalo sebephindela emuva kumele bathwale umphako wenyama le bayofika lawo lapho abasuke khona. Balakho lokuqathela labo ababathumileyo loba bengaphoqelwa ukukukwenza lokho.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds