IMqabuko isungula umtshina wokuncedisa abafundi kunombolo

13 Jul, 2017 - 02:07 0 Views
IMqabuko isungula umtshina wokuncedisa abafundi kunombolo

uMthunywa

Thokozile Mbedzi
NGENHLOSO yokuthuthukisa izifundo zeNombolo kanye leSayensi  elizweni  ikolitshi yeJoshua Mqabuko Polytechinc  eGwanda isisungule umtshina wokuncedisa abafundi kuNombolo.

Umtshina omutsha lo obizwa ngokuthi yiZIMSQA kubikwa umfundi angabhala umbuzo weNombolo afake impendulo engaqondanga uyamtshengisa impendulo eqondileyo lendlela yokufika kuleyo mpendulo.

Umtshina lo kukhangelelwe ukuthi uphathise kakhulu abafundi nxa betaditsha bebodwa.

Ekhuluma lentatheli kaMthunywa uMnumzana Beaven Moyo ongumbalisi wezifundo zeNombolo kule ikolitshi uveze ukuthi umtshina lo usebenza ngamagetsi, ngamandla elanga kanye lama-battery.

“Njengekolitshi siyananzelela ukuthi izifundo zeNombolo kanye leSayensi ziqakathekile kakhulu yikho nje sisenza konke okusemandleni ethu ukuze abafundi benze ngcono kuzifundo lezi.

“Sisebenzelana ndawonye loHulumende kuhlelo lwakhe lweSTEM ukuze kube labafundi abanengi abaqeqetsha ezifundweni zeSayensi leNombolo yikho nje sizama ngakho konke okusemandleni ethu ukuthi kubelendlela ezizakwenza izifundo lezi zithakazelelwe ngabafundi,” kuchasisa uMnu Moyo.

“Izikhathi ezinengi okwenza abantu bathi iNombolo zinzima yikuthi kabatholi kuphathiseka okuqondileyo kungakho lokhu sokuzakwenziwa ngumtshina lo omutsha.

“Ubuhle bomtshina lo yikuthi umfundi uyabhala umbuzo nxa umfundi angaphendula ngendlela engaqondanga kuba lelayithi elilombala obomvu kukanti nxa iqondile impendulo itshengisa umfanekiso oluhlaza engahlaba lapho okutshengisa impendulo.

Uqhubekele phambili njalo uMnu Moyo esithi umtshina lo muhle ngoba umfundi ulakho ukuwusebenzisa noma engaphi iloba besemadolobheni loba emaphandleni.

“Umtshina lo muhle ngoba labasemakhaya labo kulula ukuthi bawusebenzise ngoba usebenzisa amandla elanga kanye lama-battery okwenza babe lamathuba afana lawabafundi abasemadolobheni,” kuphetha uMnu Moyo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds